ഗായകന്‍ എസ് പി ബാലസുബ്രഹ്മണ്യത്തിന്റെ ആരോഗ്യ നിലയില്‍ പുരോഗതിയെന്ന് ആശുപത്രി

കോവിഡ് ബാധിച്ചു ചികിത്സയില്‍ കഴിയുന്ന ഗായകന്‍ എസ് പി ബാലസുബ്രഹ്മണ്യത്തിന്റെ ആരോഗ്യ നിലയില്‍ പുരോഗതിയെന്ന് ആശുപത്രി വൃത്തങ്ങള്‍. അതേസമയം ബാലസുബ്രഹ്മണ്യത്തിന്റെ ആരോഗ്യ നില മോശമായെന്ന രീതിയില്‍ ഓണ്‍ലൈന്‍ മീഡിയകളിലൂടെ വരുന്ന വാര്‍ത്തകള്‍ അസ്വസ്ഥത സൃഷ്ടിക്കുന്നുണ്ടെന്ന് കുടുംബാംഗങ്ങള്‍ അറിയിച്ചു.

എസ്. പി ബി യുടെ സൗഖ്യത്തിനായി സുഹൃത്തുക്കളും, ആരാധകരും പ്രാര്‍ത്ഥിക്കുകയാണ്. പ്രശസ്ത സംഗീത സംവിധായകന്‍ ഇളയരാജയടക്കം സമൂഹമാധ്യമങ്ങളിലൂടെ പ്രിയ ഗായകന്റെ തിരിച്ചു വരവ് കാത്തിരിക്കുകയാണെന്നറിയിച്ചു.