മുംബൈ: കഴിഞ്ഞ വെള്ളിയാഴ്‌ചയിലെ ശക്തമായ കരകയറ്റം ഓഹരി വിപണി ഈയാഴ്‌ചയിലെ ആദ്യത്തെ വ്യാപാര ദിനത്തിലും തുടര്‍ന്നു. നേട്ടത്തോടെ തുടങ്ങിയ ഓഹരി വിപണി ഇന്ന് ഒരു ഘട്ടത്തിലും നഷ്‌ടത്തിലേക്ക്‌ പോയില്ല. ഒടുവില്‍ തുടങ്ങിയ നിലവാരത്തില്‍ തന്നെ വ്യാപാരം അവസാനിപ്പിക്കുകയും ചെയ്‌തു.
സെന്‍സെക്‌സ്‌ ഇന്ന് 448 പോയിന്റ്‌ ഉയര്‍ന്നു. നിഫ്‌റ്റി 110 പോയിന്റ്‌ നേട്ടം രേഖപ്പെടുത്തി.
സെന്‍സെക്‌സ്‌ 40,431 പോയിന്റിലാണ്‌ ക്ലോസ്‌ ചെയ്‌തത്‌. 40,519.48 പോയിന്റ്‌ വരെ ഉയര്‍ന്നിരുന്നു. 11,898.25 പോയിന്റ്‌ വരെ ഉയര്‍ന്ന നിഫ്‌റ്റി 11,873 പോയിന്റിലാണ്‌ ക്ലോസ്‌ ചെയ്‌തത്‌.
പ്രധാനമായും ബാങ്ക് ഓഹരികളാണ്‌ ഇന്ന് നേട്ടമുണ്ടാക്കിയത്‌. നിഫ്‌റ്റി ബാങ്ക് സൂചിക 2.96 ശതമാനം ഉയര്‍ന്നു. എച്ച്.ഡി.എഫ്‌.സി ബാങ്കിന്റെ മികച്ച രണ്ടാം ത്രൈമാസ പ്രവര്‍ത്തന ഫലമാണ്‌ ബാങ്കിങ്‌ ഓഹരികളുടെ മുന്നേറ്റത്തിന്‌ വഴിയൊരുക്കിയത്‌. ബാങ്ക് ഓഫ് ബറോഡ, ഫെഡറല്‍ ബാങ്ക്, ഐസിഐസിഐ ബാങ്ക് തുടങ്ങിയ ഓഹരികള്‍ അഞ്ച്‌ ശതമാനം മുതല്‍ എട്ട്‌ ശതമാനം വരെ നേട്ടം രേഖപ്പെടുത്തി.
മെറ്റല്‍ സൂചികകളിലും മുന്നേറ്റ പ്രവണത ദൃശ്യമായിരുന്നു. നിഫ്‌റ്റി മെറ്റല്‍ സൂചിക 1.78 ശതമാനം ഉയര്‍ന്നു. അതേസമയം ഓട്ടോ, ഫാര്‍മ, ഐടി ഓഹരികള്‍ വില്‍പ്പന സമ്മര്‍ദം നേരിട്ടു. നിഫ്‌റ്റി ഫാര്‍മ സൂചിക 1.67 ശതമാനം നഷ്‌ടം രേഖപ്പെടുത്തി.
നിഫ്‌റ്റിയില്‍ ഉള്‍പ്പെട്ട ഭൂരിഭാഗം ഓഹരികളും ഇന്ന് നേട്ടം രേഖപ്പെടുത്തി. നിഫ്‌റ്റിയില്‍ ഉള്‍പ്പെട്ട 50 ഓഹരികളില്‍ 35 ഓഹരികള്‍ നേട്ടമുണ്ടാക്കിയപ്പോള്‍ 15 ഓഹരികളാണ്‌ നഷ്‌ടത്തിലായത്‌. ഐസിഐസിഐ ബാങ്ക്, നെസ്‌ളേ ഇന്ത്യ, ആക്‌സിസ്‌ ബാങ്ക്, ഗെയില്‍, എസ്‌ബിഐ എന്നിവയാണ്‌ ഇന്ന് ഏറ്റവും ഉയര്‍ന്ന നേട്ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. ഐസിഐസിഐ ബാങ്ക് 5.12 ശതമാനം നേട്ടം രേഖപ്പെടുത്തി. നെസ്‌ളേ ഇന്ത്യ, ആക്‌സിസ്‌ ബാങ്ക്, ഗെയില്‍, എസ്‌ബിഐ എന്നീ ഓഹരികള്‍ നാല്‌ ശതമാനത്തിന്‌ മുകളില്‍ നേട്ടമുണ്ടാക്കി.
ദിവിസ്‌ ലാബ്‌, ഏയ്‌ഷര്‍ മോട്ടോഴ്‌സ്‌, ഹീറോ മോട്ടോഴ്‌സ്‌, സിപ്ല, ബജാജ്‌ ഓട്ടോ എന്നിവയാണ്‌ ഉയര്‍ന്ന നഷ്‌ടം രേഖപ്പെടുത്തിയ അഞ്ച്‌ നിഫ്‌റ്റി ഓഹരികള്‍. ഈ ഓഹരികള്‍ രണ്ട്‌ ശതമാനത്തിന്‌ മുകളില്‍ നഷ്‌ടം നേരിട്ടു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.