ജിദ്ദ: കോവിഡ് പ്രതിരോധ കുത്തിവെയ്പ്പിനായുള്ള രണ്ടാമത്തെ പ്രത്യേക വാക്സിനേഷന് കേന്ദ്രം സൗദി അറേബ്യയിലെ ജിദ്ദയില് പ്രവര്ത്തനമാരംഭിച്ചു. ജിദ്ദയിലെ കിംഗ് അബ്ദുല് അസീസ് വിമാനത്താവളത്തിലെ സൗത്തേണ് ടെര്മിനലിലാണ് വാക്സിനേഷന് കേന്ദ്രം പ്രവര്ത്തിക്കുന്നത്. ജിദ്ദ ഗവര്ണറേറ്റിലെ ഉയര്ന്ന ജനസംഖ്യ കണക്കിലെടുത്താണ് വിശാലമായ സൗത്തേണ് ടെര്മിനല് ഈ സേവനം നല്കുന്നതിനായി തിരഞ്ഞെടുത്തതെന്ന് അധികൃതര് വ്യക്തമാക്കി. അടുത്ത മൂന്നാഴ്ച്ചയ്ക്കിടെ ജിദ്ദയിലെ വാക്സിനേഷന് കേന്ദ്രത്തില് നിന്ന് പ്രതിദിനം 10000 പേര്ക്ക് വാക്സിന് നല്കുന്ന രീതിയിലേക്ക് പ്രവര്ത്തനങ്ങള് വിപുലീകരിക്കുമെന്നും മന്ത്രാലയം കൂട്ടിച്ചേര്ത്തു. നേരത്തെ റിയാദില് ആദ്യ കേന്ദ്രം പ്രവര്ത്തനമാരംഭിച്ചിരുന്നു.
ഒരേ സമയം വലിയ അളവില് ആളുകളെ വാക്സിന് കുത്തിവെപ്പിനായി സ്വീകരിക്കാന് കഴിയുന്ന രീതിയിലാണ് കേന്ദ്രത്തിന് രൂപം നല്കിയിരിക്കുന്നത്. വാക്സിനേഷന് നടപടികളില് പ്രാവീണ്യമുള്ള ആരോഗ്യ പ്രവര്ത്തകരുടെ സേവനങ്ങള് ലഭ്യമാകുന്ന 84 ക്ലിനിക്കുകളിലൂടെയാണ് ഈ കേന്ദ്രത്തില് നിന്ന് ചിട്ടയോടെ വാക്സിനേഷന് സേവനങ്ങള് ലഭ്യമാക്കുന്നത്.
രാജ്യത്തിന്റെ മറ്റു മേഖലകളിലും സമാനമായ വാക്സിനേഷന് കേന്ദ്രങ്ങള് ഉടന് തന്നെ പ്രവര്ത്തനമാരംഭിക്കുമെന്ന് ആരോഗ്യ മന്ത്രാലയം അറിയിച്ചിട്ടുണ്ട്. കിഴക്കന് പ്രവിശ്യയില് പ്രവര്ത്തിക്കുന്ന കേന്ദ്രം അടുത്ത ആഴ്ച്ച ഉദ്ഘാടനം ചെയ്യുമെന്നും മന്ത്രാലയം അറിയിച്ചു. രാജ്യത്ത് ഇറക്കുമതി ചെയ്യുന്നതിനും ഉപയോഗിക്കുന്നതിനും ഔദ്യോഗിക അനുമതി നല്കിയിട്ടുള്ള ഫൈസര്, ബയോ എന് ടെക് വാക്സിനിന്റെ ആദ്യ ബാച്ച് ഡിസംബര് 16 ന് സൗദിയിലെത്തിയിരുന്നു. സൗദിയിലെ പൗരന്മാര്ക്കും നിവാസികള്ക്കും വാക്സിന് സൗജന്യമായി ലഭിക്കുന്നതിനുള്ള ഓണ്ലൈന് രജിസ്ട്രേഷന് ആരോഗ്യ മന്ത്രാലയത്തിന്റെ ‘സെഹതി’ എന്ന ആപ്പിലൂടെ ലഭ്യമാണ്.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.