ലഡാക്ക് സംഘര്‍ഷം: പ്രധാനമന്ത്രി രാഷ്ട്രപതിയുമായി കൂടിക്കാഴ്ച നടത്തി

പ്രധാനമന്ത്രി നരേന്ദ്ര മോദി രാഷ്ട്രപതി രാംനാഥ് കോവിന്ദുമായി കൂടിക്കാഴ്ച നടത്തി. ലഡാക്കിലെ സംഘര്‍ഷമടക്കമുള്ള വിഷയം ഇരുവരും തമ്മില്‍ ചര്‍ച്ച ചെയ്തതായാണ് രാഷ്ട്രപതി ഭവനെ ഉദ്ദരിച്ച്‌ വാര്‍ത്താ ഏജന്‍സിയുടെ റിപ്പോര്‍ട്ട്. ദേശീയ അന്തര്‍ദേശീയ വിഷയങ്ങളിലടക്കം ഇരുവരും ചെര്‍ച്ച ചെയ്തുവെന്ന് രാഷ്ട്രപതി ഭവന്‍ ട്വീറ്റ് ചെയ്തു. സംഘര്‍ഷ മേഖലയില്‍ പ്രധാനമന്ത്രി നേരിട്ട് സന്ദര്‍ശനം നടത്തിയതിന് ശേഷമുള്ള കൂടിക്കാഴ്ചയെ ഏറെ ഗൗരവമായാണ് അന്താരാഷ്ട്ര മാധ്യമങ്ങളടക്കം നോക്കിക്കാണുന്നത്.