ഇന്ധന വില വീണ്ടും കൂട്ടി; ഡീസല്‍ വില സര്‍വകാല റെക്കോര്‍ഡില്‍

കൊച്ചി: ഇന്ധന വില വീണ്ടും വര്‍ധിപ്പിച്ചു. പെട്രോള്‍ ലിറ്ററിന് 25 പൈസയും ഡീസലിന് 27 പൈസയുമാണ് ഇന്ന് കൂട്ടിയത്. ഇതോടെ ഈമാസം ഇത് നാലാം തവണയാണ് ഇന്ധവിലയില്‍ വര്‍ധനവ് രേഖപ്പെടുത്തുന്നത്. നാല് തവണയായി പെട്രോളിന് 1.26 രൂപയും ഡീസലിന് 1.36 രൂപയുമാണ് വര്‍ധിച്ചത്.

തിരുവനന്തപുരത്ത് പെട്രോള്‍ വില 87.28 രൂപയായി. ഡീസല്‍ വില 81.31 രൂപയും. കൊച്ചിയില്‍ ഇത് യഥാക്രമം 85.47 രൂപയും ഡീസലിന് 79.62 രൂപയുമാണ് ഇന്നത്തെ വില. സര്‍വകാല റെക്കോര്‍ഡില്‍ എത്തിയിരിക്കുന്ന ഡീസല്‍ വില വരും ദിവസങ്ങളിലും ഉയരാനാണ് സാധ്യത.