യുഎഎ വിസയെക്കുറിച്ച് അറിയേണ്ടതെല്ലാം ഇനി ഒരൊറ്റ ക്ലിക്കില്‍

നിങ്ങള്‍ യുഎഇ വിസക്ക് വേണ്ടി അപേക്ഷിച്ച് അതിന്റെ സ്റ്റാറ്റസ് അറിയാന്‍ വേണ്ടി കാത്തിരിക്കുകയാണോ, അല്ലെങ്കില്‍ നിങ്ങളുടെ വിസ കാലാവധി എന്ന് അവസാനിക്കും എന്ന് പരിശോധിക്കാന്‍ ശ്രമിക്കുകയാണോ?. ഇതാ നിങ്ങള്‍ക്ക് ഇനി എളുപ്പത്തില്‍ അവ കണ്ടെത്താം.

ഫെഡറല്‍ അതോറിറ്റി ഫോര്‍ ഐഡന്റിറ്റി ആന്‍ഡ് സിറ്റിസണ്‍ഷിപ്പ് (FAIC) വെബ്സൈറ്റില്‍ ഉള്‍പ്പെടുത്തിയിട്ടുള്ള സെക്ഷനിലൂടെ ഇനി പാസ്‌പോര്‍ട്ട് നമ്പറും,പാസ്പോര്‍ട്ടിന്റെ കാലാവധി തിയ്യതിയും ഉപയോഗിച്ച് വിസ സംബന്ധിച്ച വിവരങ്ങള്‍ ലഭ്യമാകും. പാസ്പോര്‍ട്ടിന്റെ സ്‌കാന്‍ ചെയ്ത കോപ്പി ഉണ്ടെങ്കിലും വിവരങ്ങള്‍ അറിയാം. അതിനായി https://smartservices.ica.gov.ae/echannels/web/client/default.html#/fileValidity എന്ന വെബ്സൈറ്റ് ലോഗിന് ചെയ്യുക

• ആദ്യ ഓപ്ഷനിൽ Passport Information എന്ന ഓപ്ഷൻ select ചെയ്യുക.
• അതിന് താഴെയായുള്ള Residency എന്ന ഓപ്ഷനും select ചെയ്യുക.
• നിങ്ങളുടെ പാസ്പോർട്ട് നമ്പറും പാസ്പോർട്ട് കാലാവധി തിയ്യതിയും നൽകുക.
• Nationality സെലക്ട് ചെയ്യുക.
• തുടർന്നുള്ള ബോക്സിൽ നിങ്ങൾ ഓരോ റോബോട്ട് അല്ല എന്ന് തെളിയിക്കുന്നതിനായി I am not a robot എന്നതിന് സമീപത്തെ കോളത്തിൽ ക്ലിക്ക് ചെയ്‌ത്‌ തുടർന്ന് നൽകിയിട്ടുള്ള CAPTCHA താഴെയുള്ള ബോക്സിൽ കൃത്യമായി രേഖപ്പെടുത്തുക.

മറ്റൊരു രീതിയിലും നിങ്ങളുടെ വിസ കാലാവധി നിങ്ങൾക്ക് എളുപ്പത്തിൽ അറിയാൻ സാധിക്കും. എന്നാൽ ഇത് എമിറേറ്റ്സ് ഐഡി കയ്യിൽ ഉള്ളവർക്ക് മാത്രമാണ്. എമിറേറ്റ്സ് ഐഡിയുടെ പുറകെ വശത്ത് നിങ്ങളുടെ Date of BIrth വിവരം നൽകിയിട്ടുള്ളതിന് സമീപത്തായി നിങ്ങളുടെ എമിറേറ്റ്സ് ഐഡിയുടെ കാലാവധിയും നൽകിയിട്ടുണ്ടാകും. ഇത് തന്നെയാണ് നിങ്ങളുടെ വിസയുടെ കാലാവധി തിയ്യതിയും. വിസ കാലാവധി അവസാനിച്ചാൽ ഒരു മാസത്തിനുള്ളിൽ വിസ പുതുക്കുകയോ രാജ്യം വിടുകയോ ചെയ്യണമെന്നാണ് യു എ ഇ നിയമം. അതിനാൽ വിസകൾ കൃത്യമായി തന്നെ പുതുക്കേണ്ടതുണ്ട്.