ന്യൂഡല്ഹി: രാജ്യത്തിന്റെ ഏറ്റവും വലിയ സിവിലിയന് ബഹുമതികളിലൊന്നായ പദ്മ പുരസ്കാരങ്ങള് പ്രഖ്യാപിച്ചു. ഗായിക കെ.എസ് ചിത്രയ്ക്ക് പദ്മഭൂഷണും ഗാനരചയിതാവ് കൈതപ്രം ദാമോദരന് നമ്പൂതിരിക്ക് പത്മശ്രീയും ലഭിച്ചു.
മരണാനന്തര ബഹുമതിയായി ബഹുഭാഷാ ഗായകന് എസ്.പി ബാലസുബ്രഹ്മണ്യത്തിനും ഫൈബര് ഒപ്റ്റിക്സ് വിദഗ്ധനും ഊര്ജ തന്ത്രജ്ഞനുമായ അമേരിക്കന്-ഇന്ത്യന് ശാസ്ത്രജ്ഞന് നരീന്ദര് സിങ് കപനിക്കും പദ്മവിഭൂഷണ് ലഭിച്ചു.
ജപ്പാന് പ്രധാനമന്ത്രി ഷിന്സൊ ആബേ (പൊതുകാര്യം), കര്ണാടകയിലെ പ്രമുഖ ഹൃദ്രോഗ വിദഗ്ധനും മണിപ്പാല് സര്വകലാശാല മുന് വൈസ് ചാന്സലറുമായ ഡോ.ബി.എം ഹെഗ്ഡെ (വൈദ്യശാസ്ത്രം), ഡല്ഹിയിലെ ഇസ്ലാമിക പണ്ഡിതന് മൗലാന വഹീദുദ്ദീന് ഖാന്, പുരാവസ്തു ഗവേഷകന് ബി.ബി ലാല്, ഒഡിഷയില് നിന്നുള്ള ശില്പി സുദര്ശന് സാഹൂ എന്നിവര്ക്കും പദ്മവിഭൂഷണ് ലഭിക്കും.
പാവകളി കലാകാരന് ഷൊര്ണൂരിലെ കെ.കെ രാമചന്ദ്രന് പുലവര്, ഹൈന്ദവ ആചാരാനുഷ്ഠാനങ്ങളെക്കുറിച്ച് ഒട്ടേറെ ഗ്രന്ഥങ്ങള് എഴുതിയ ബാലന് പൂതേരി, ആദിവാസികള്ക്കായി ആതുര സേവനം നടത്തിയ വയനാട്ടിലെ ഡോ. ധനഞ്ജയ് ദിവാകര് സച്ദേവ്, കായിക പരിശീലകന് ഒ.എം മാധവന് നമ്പ്യാര് എന്നിവര്ക്ക് പദ്മശ്രീയും നല്കും. തമിഴ്നാട്ടില് നിന്നുള്ള മലയാളികള്ക്ക് പ്രിയങ്കരിയായ ഗായിക ബോംബെ ജയശ്രീക്കും പദ്മശ്രീ പുരസ്കാരമുണ്ട്.
രാഷ്ട്രീയ നേതാക്കളായിരുന്ന തരുണ് ഗൊഗോയ്, രാം വിലാസ് പാസ്വാന്, കേശുഭായ് പട്ടേല്, ഇസ്ലാമിക പണ്ഡിതന് കല്ബെ സാദിഖ് എന്നിവര്ക്ക് മരണാനന്തര ബഹുമതിയായി പദ്മഭൂഷണ് ലഭിക്കും. സാഹിത്യകാരന് ചന്ദ്രശേഖര കമ്പാര്, മുന് ലോക്സഭാ സ്പീക്കര് സുമിത്ര മഹാജന്, ന്യൂനപക്ഷ കമ്മിഷന് മുന് ചെയര്മാന് തര്ലോചന് സിങ്, മഹാരാഷ്ട്രയിലെ വ്യവസായി രജനീകാന്ത് ഷ്രോഫ് എന്നിവര്ക്കും പദ്മഭൂഷണ് ബഹുമതിയുണ്ട്.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.