Entertainment

മോഹന്‍ലാല്‍- ബി. ഉണ്ണികൃഷ്ണന്‍- ഉദയകൃഷ്ണന്‍ ഒന്നിക്കുന്ന മാസ് എന്റര്‍ടെയ്‌നര്‍

 

തൊടുപുഴയിലുള്ള ദൃശ്യത്തിന്റെ സെറ്റില്‍ പോയി ബി. ഉണ്ണികൃഷ്ണനും ഉദയകൃഷ്ണനും മലയാളത്തിലെ “ഏറ്റവും വലിയ താരം” മോഹന്‍ലാലിനെ കണ്ടതിനുപിന്നാലെ എന്തോ ഒന്ന് സംഭവിക്കാന്‍ പോകുന്നുവെന്ന കാര്യം തീര്‍ച്ചയായി.

ഉണ്ണിയുടെയും ഉദയന്റെയും ശരീരഭാഷയില്‍ അത് വ്യക്തം. മൂവരും ചേര്‍ന്ന് ഒരു ഗ്രൂപ്പ് ഫോട്ടോയ്ക്കുകൂടി പോസ് ചെയ്തതോടെ അത് ഉറപ്പിക്കുകയും ചെയ്തു. അതിന്റെ സ്ഥിരീകരണത്തിനുവേണ്ടിയിട്ടാണ് ഉണ്ണികൃഷ്ണനെ തന്നെ വിളിച്ചത്.

‘ശരിയാണ്. ഞാനും ലാല്‍സാറും ഉദയനും ഒന്നിക്കുന്ന പടം യാഥാര്‍ത്ഥ്യമാകുന്നു. കഴിഞ്ഞ കുറെ നാളുകളായി ഈ പ്രോജക്ടിന്റെ പിന്നാലെയാണ് ഞങ്ങള്‍. ഇന്നലെയാണ് ലാല്‍സാര്‍ കമ്മിറ്റ് ചെയ്തത്. ഒരു മാസ് എന്റര്‍ടെയ്‌നറായിരിക്കും. ബിഗ് ബജറ്റ് ചിത്രവും. വലിയ താരനിരതന്നെ ഈ ചിത്രത്തിലുണ്ടാവും.’ ഉണ്ണി തുടര്‍ന്നു.

‘നര്‍മ്മത്തിനും ആക്ഷനും ഒരുപോലെ പ്രാധാന്യമുള്ള ചിത്രം. നര്‍മ്മരംഗങ്ങള്‍ അത്രകണ്ട് രസകരമാണ്. ഹലോയ്ക്ക് ശേഷം ലാല്‍സാറിന് ഇളകിയാട്ടം നടത്താവുന്ന ചിത്രം തന്നെയാവും ഇത്. ചിത്രത്തിന്റെ ഷൂട്ടിംഗ് നവംബറില്‍ തുടങ്ങും. വിശദമായ കാര്യങ്ങള്‍ പിന്നാലെ അറിയിക്കാം.’ ഉണ്ണികൃഷ്ണന്‍ പറഞ്ഞു.

നവംബറില്‍ ഷൂട്ടിംഗ് തുടങ്ങുമെന്നതിനാല്‍ ഒന്നുകൂടി വ്യക്തമാവുകയാണ്. ദൃശ്യം 2നു ശേഷം മോഹന്‍ലാല്‍ അഭിനയിക്കുന്ന ചിത്രംകൂടിയായിരിക്കും ഇത്.

ബി. ഉണ്ണികൃഷ്ണനുവേണ്ടി ആദ്യമായിട്ടാണ് ഉദയന്‍ തിരക്കഥ എഴുതുന്നത്. ഇതിനുമുമ്പുള്ള ഉണ്ണികൃഷ്ണന്‍ ചിത്രങ്ങളുടെ കഥയും തിരക്കഥയും സംഭാഷണങ്ങളുമെല്ലാം അദ്ദേഹംതന്നെയാണ് എഴുതിയിരുന്നത്. ഐ ലൗ മി എന്ന ചിത്രമാണ് അതിനൊരപവാദം. അതിന്റെ തിരക്കഥാകൃത്ത് സേതുവായിരുന്നു.

മോഹന്‍ലാലിനെവച്ച് ഉണ്ണികൃഷ്ണന്‍ ചെയ്യുന്ന അഞ്ചാമത്തെ ചിത്രമാണിത്. മാടമ്പിയും ഗ്രാന്റ്മാസ്റ്ററും മിസ്റ്റര്‍ ഫ്രോഡും വില്ലനുമാണ് മറ്റ് ചിത്രങ്ങള്‍.

പുലിമുരുകനുശേഷം ഉദയന്‍ മോഹന്‍ലാലിനുവേണ്ടി തിരക്കഥയെഴുതുന്നു എന്ന പ്രത്യേകതകൂടി ഈ ചിത്രത്തിനുണ്ട്. പുലിമുരുകന്‍ രണ്ടാംഭാഗത്തിന്റെ തിരക്കഥാരചനയിലാണ് ഉദയനിപ്പോള്‍.

The Gulf Indians

Recent Posts

പ്രവാസികളുടെ വോട്ടവകാശം: അതിർത്തികൾക്കപ്പുറം കേൾക്കേണ്ട ശബ്ദങ്ങൾ

ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…

1 month ago

റൂവി മലയാളി അസോസിയേഷൻ – 2026–2028 കാലയളവിലേക്കുള്ള പുതിയ ഭാരവാഹികൾ തെരെഞ്ഞെടുത്തു

മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…

1 month ago

ചരക്കുവാഹന നിയന്ത്രണം : എമിറേറ്റ്സ് റോഡിലെ അപകടങ്ങൾ ഗണ്യമായി കുറഞ്ഞു

ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…

5 months ago

ആഡംബരത്തിന് പുതിയ മാതൃകയാകാൻ റാസൽഖൈമ വിമാനത്താവളം

റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…

5 months ago

ഒമാൻ ദേശീയദിനം: ഇന്ത്യൻ എംബസി ഇന്ന് അവധി

മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…

5 months ago

ദേശീയദിനത്തോടനുബന്ധിച്ച് ഒമാൻ എയർ ഗ്ലോബൽ സെയിൽ പ്രഖ്യാപിച്ചു: ടിക്കറ്റ് നിരക്കിൽ 20% വരെ കിഴിവ്

മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…

5 months ago

This website uses cookies.