കെ.അരവിന്ദ്‌
കഴിഞ്ഞുപോയ വാരം ഓഹരി വിപണിയുടെ പ്രകടനം പൊതുവെ മികച്ച തായിരുന്നു. മുന്‍വാരം അവസാനം വില്‍പ്പന സമ്മര്‍ദം നേരിട്ടെങ്കിലും അതില്‍ നിന്നുള്ള കരകയറ്റമാണ്‌ പോയ വാരം കണ്ടത്‌. അതേസമയം ചാഞ്ചാട്ടം ശക്തമായിരുന്നു. ഒരു ദിവസത്തെ വ്യാപാരത്തിനിടയില്‍ തന്നെ 150 പോയിന്റോളം വ്യതിയാനം ഉണ്ടായ ദിവസങ്ങളും ഉണ്ടായിരുന്നു.
യുഎസ്‌ പ്രസിഡന്റ്‌ തെരഞ്ഞെടുപ്പ്‌ നവംബറില്‍ നടക്കുന്നതിനെ മുന്‍നിര്‍ത്തി യുഎസ്‌ വിപണിയിലെ അനിശ്ചിതത്വം ഇന്ത്യന്‍ വിപണിയിലും പ്രതിഫലിക്കുകയാണ്‌. ആഗോള സൂചനകള്‍ ഈ രീതിയില്‍ നിലനില്‍ക്കുന്നതിനാല്‍ ചാഞ്ചാട്ടം ഇനിയും തുടരും. യുഎസ്‌ ഉത്തേജക പാക്കേജിന്‌ അനുമതി വൈകുന്നതും യൂറോപ്പില്‍ കോവിഡ്‌ രോഗികളുടെ എണ്ണം കൂടുന്നതും പ്രതികൂല ഘടകങ്ങളാണ്‌.
അതേസമയം ഇന്ത്യയില്‍ കോവിഡ്‌ രോഗം ഭേദമാകുന്നവരുടെ എണ്ണത്തിലെ വര്‍ധനയും ഉത്സവ സീസണും അനുകുല ഘടകങ്ങളാണ്‌. ദീപാവലി സീസണില്‍ മികച്ച ബിസിനസ്‌ ഉണ്ടാകുമെന്നാണ്‌ പ്രതീക്ഷിക്കുന്നത്‌. കമ്പനികളുടെ ഇതുവരെയുള്ള ത്രൈമാസ ഫലങ്ങളും പ്രതീക്ഷിച്ചതിനേക്കാള്‍ മികച്ചതാണ്‌.
ബാങ്കുകളാണ്‌ പ്രധാനമായും വിപണിയിലെ മുന്നേറ്റത്തില്‍ പങ്കുവഹിച്ചത്‌. ബാങ്കിങ്‌ ഓഹരികള്‍ താഴ്‌ന്ന നിലയില്‍ വിപണിക്ക്‌ താങ്ങ്‌ നല്‍കിയപ്പോള്‍ തന്നെ ഉയര്‍ന്ന നിലവാരത്തില്‍ വില്‍പ്പന സമ്മര്‍ദം നേരിടുകയും ചെയ്‌തു. ഐടി മേഖലയും വിപണിക്ക്‌ പിന്തുണ നല്‍കി. ഈയാഴ്‌ച ഓട്ടോമൊബൈല്‍ ഓഹരികളിലും മുന്നേറ്റ പ്രവണത കണ്ടുതുടങ്ങിയിട്ടുണ്ട്‌.
വാഹന വില്‍പ്പന സംബന്ധിച്ച കണക്കുകള്‍ നവംബര്‍ ആദ്യം വരാനിരിക്കുന്നതും ദീപാവലി സീസണില്‍ മികച്ച വാഹന വില്‍പ്പന പ്രതീക്ഷിക്കുന്നതും ഓട്ടോ ഓഹരികള്‍ മുന്നേറ്റം തുടരുന്നതിന്‌ വഴിവെക്കുമെന്നാണ്‌ പ്രതീക്ഷിക്കുന്നത്‌. ഉത്സവ സീസണില്‍ മികച്ച വില്‍പ്പന ഉണ്ടാകാന്‍ സാധ്യതയുള്ള കണ്‍സ്യൂമര്‍ ഡ്യൂറബ്‌ള്‍സ്‌ മേഖലയിലെ ഓഹരികളിലും മുന്നേറ്റം ദൃശ്യമാണ്‌.
പോയ വാരവും നിഫ്‌റ്റി 12,000 പോയിന്റ്‌ എന്ന പ്രതിരോധ നിലവാരത്തില്‍ തൊട്ടതിനു ശേഷം താഴേക്ക്‌ വരുന്നതാണ്‌ കണ്ടത്‌. ഈ നിലവാരം ഭേദിക്കുകയാണെങ്കില്‍ വിപണി പഴയ റെക്കോഡ്‌ നിലവാരത്തിലേക്ക്‌ ഉയരാന്‍ സാധ്യതയുണ്ട്‌. 12,200 പോയിന്റിലാണ്‌ അടുത്ത ചെറിയ പ്രതിരോധമുള്ളത്‌.
11,800 പോയിന്റ്‌ സുപ്രധാന താങ്ങ്‌ നിലവാരമാണ്‌. അടുത്ത താങ്ങ്‌ നിലവാരം 11,550 പോയിന്റാണ്‌. അടുത്തയാഴ്‌ചയും നിക്ഷേപകര്‍ കരുതല്‍ പാലിക്കുന്നതാണ്‌ ഉചിതം. ആഗോള സൂചനകളിലെ അനിശ്ചിതത്വം മൂലം വിപണിയില്‍ കടുത്ത വ്യതിയാനം ഏത്‌ സമയത്തും പ്രതീക്ഷിക്കാം.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.