തിരുവനന്തപുരം: കവിത ചൊല്ലി ബജറ്റ് അവതരിപ്പിക്കുന്നത് മന്തി തോമസ് ഐസക്കിന്റെ എടുത്തു പറയേണ്ട പ്രത്യേകതയാണ്. കടുകട്ടി പ്രയോഗങ്ങളെ മയപ്പെടുത്താന് അദ്ദേഹം കഥകളും കവിതകളും ഉള്പ്പെടുത്തുന്നത് പതിവ് രീതിയാണ്. 2008 ലെ രണ്ടാം ബജറ്റില് ബഷീറിന്റെ പാത്തുമ്മയുടെ ആടില് തുടങ്ങിയ അദ്ദേഹത്തിന്റെ സാഹിത്യ ശൈലിക്ക് ഇക്കുറിയും മാറ്റമുണ്ടായില്ല. എന്നാല് മുന് വര്ഷങ്ങളില് നിന്നും വ്യത്യസ്ഥമായി ഇക്കഴിഞ്ഞ രണ്ടു തവണയും അദ്ദേഹത്തെ സ്വാധീനിച്ചത് കുട്ടിക്കവിതകളാണ്.
പാലക്കാട് കുഴല്മന്ദം ജിഎച്ച്എസിലെ ഏഴാം ക്ലാസുകാരി കെ.സ്നേഹയുടെ വരികള് ഉദ്ധരിച്ചാണ് ഇക്കുറി ധന മന്ത്രി ബജറ്റ് പ്രസംഗം ആരംഭിച്ചത്. വിദ്യാരംഗം ശില്പശാലയില് കവിതാവിഭാഗത്തില് ജില്ലാതലത്തില് തിരഞ്ഞെടുക്കപ്പെട്ട വിദ്യാര്ഥിയാണ് സ്നേഹ.കോവിഡ് പ്രതിസന്ധിയെ നമ്മള് അതിജീവിക്കുമെന്നും ആനന്ദം നിറഞ്ഞതും പ്രതീക്ഷ നിര്ഭരവുമായ നല്ല നാളെകള് തുടങ്ങുന്നുവെന്നുമാണ് കവിതയുടെ കാതല്.
സ്നേഹയുടെ കവിത
‘നേരം പുലരുകയും
സൂര്യന് സര്വതേജസോടെ ഉദിക്കുകയും
കനിവാര്ന്ന പൂക്കള് വിരിയുകയും
വെളിച്ചം ഭൂമിയെ സ്വര്ഗമാക്കുകയും ചെയ്യും
നാം കൊറോണയ്ക്കെതിരെ
പോരാടി വിജയിക്കുകയും
ആനന്ദം നിറഞ്ഞ പുലരിയെ
തിരികെ എത്തിക്കുകയും ചെയ്യും…’
2009 ബജറ്റ് അവതരണത്തില് സാമ്പത്തിക മാന്ദ്യത്തെ വ്യക്തമാക്കുന്നതിനായി തകഴി ശിവശങ്കര പിള്ളയുടെ കയര് എന്ന നോവലിലെ പ്രസക്തഭാഗങ്ങള് ഉള്പ്പെടുത്തി. 2010 ല് സാമൂഹ്യ നീതിയും പാരിസ്ഥിതിക അവബോധവും ഉണര്ത്താനായി വൈലോപ്പിള്ളിയുടെ കവിത ചൊല്ലി ബജറ്റ് അവതരണം തുടങ്ങി. 2011 ല് ഒഎന്വി പ്രത്യേകമായി എഴുതി നല്കിയ കവിത ശകലം ചൊല്ലിയതും ശ്രദ്ധേയമായി .2016 ല് ഒഎന്വിയുടെ തന്നെ ദിനാന്ത്യം എന്ന അവസാന കാവ്യത്തിലെ അവസാന വരികള് ചൊല്ലി. 2017ല് എം.ടി വാസുദേവന് നായരുടെ പ്രസംഗം ഉള്പ്പെടുത്തി.2018 ല് ബാലാമണി അമ്മയുടെ നവകേരളം കവിത ചൊല്ലി ബജറ്റ് അവതരണം അവസാനിപ്പിച്ചു. 2019 ശബരിമല പ്രക്ഷോഭം കേരളം നേരിട്ട രണ്ടാം ദുരന്തമെന്ന് പ്രസ്താവിച്ചുകൊണ്ട് ആരംഭിച്ച പത്താം ബജറ്റ് അവതരണം മന്ത്രി കുമാരനാശാന്റെ ദുരവസ്ഥയിലെ വരികള് ചൊല്ലി അവസാനിപ്പിച്ചു. 2020 ല് ആനന്ദില് തുടങ്ങി ബാലചന്ദ്രന് ചുള്ളിക്കാട്,റഫീഖ് അഹമ്മദ്,ബെന്യാമിന്, പ്രഭാവര്മ,അന്വര് അലി, വിഷ്ണു പ്രസാദ്,ഒ.പി. സുരേഷ്,പി.എന്. ഗോപീകൃഷ്ണന്, വിജില ചിറപ്പാട്, എസ്.ശാരദക്കുട്ടി, സച്ചിദാനന്ദന്,അശോകന് മറയൂര്, എം.ആര് രാധാമണി തുടങ്ങി രവീന്ദ്രനാഥ് ടാഗോറിന്റെ ഗീതാഞ്ജലിയുടെ എന്.പി. ചന്ദ്രശേഖരന്റെ പരിഭാഷവരെ ബജറ്റില് സ്ഥാനം പിടിച്ചു. അന്നും രണ്ടു കുട്ടിക്കവിതകള് മന്ത്രി ചൊല്ലിയിരുന്നു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.