തിരുവനന്തപുരം: കേരളത്തിന്റെ അന്താരാഷ്ട്ര ചലച്ചിത്രമേളയ്ക്ക് ഇന്ന് തുടക്കമാകും. തിരുവനന്തപുരത്തു നടക്കുന്ന മേളയുടെ ഉദ്ഘാടനം നിശാഗന്ധി ഓഡിറ്റോറിയത്തില് വൈകീട്ട് ആറിന് മുഖ്യമന്ത്രി പിണറായി വിജയന് നിര്വഹിക്കും. ചരിത്രത്തിലാദ്യമായി നാലിടങ്ങളിലായി നടക്കുന്നെന്ന പ്രത്യേകതയും ഇത്തവണത്തെ മേളയ്ക്കുണ്ട്. ജാസ്മില സബാനിക് സംവിധാനം ചെയ്ത ബോസ്നിയന് ചിത്രം ‘ക്വോ വാഡിസ്, ഐഡ’യാണ് ഉദ്ഘാടനചിത്രം.
ഉദ്ഘാടനച്ചടങ്ങില് ക്ഷണിക്കപ്പെട്ട അതിഥികള്ക്കും റിസര്വ് ചെയ്ത ഡെലിഗേറ്റുകള്ക്കും മാത്രമാണ് പ്രവേശനം. കോവിഡ് നെഗറ്റീവ് സര്ട്ടിഫിക്കറ്റുള്ളവര്ക്ക് മാത്രമാണ് പാസ് അനുവദിച്ചത്. ഇത്തവണത്തെ ലൈഫ് ടൈം അച്ചീവ്മെന്റ് നേടിയ ഷീന്ലുക് ഗൊദാര്ദിനുവേണ്ടി സംവിധായകന് അടൂര് ഗോപാലകൃഷ്ണന് പുരസ്കാരം ഏറ്റുവാങ്ങും.
കോവിഡ് മാനദണ്ഡം പാലിച്ച് തിരുവനന്തപുരം, എറണാകുളം, തലശ്ശേരി, പാലക്കാട് എന്നിവിടങ്ങളിലാണ് മേള നടക്കുക. ഓരോ മേഖലയിലും അഞ്ചു ദിവസങ്ങളിലായി അഞ്ചു തീയറ്ററുകളിലാണ് മേള. തിരുവനന്തപുരത്ത് ഫെബ്രുവരി 10 മുതല് 14 വരെയും എറണാകുളത്ത് 17 മുതല് 21 വരെയും തലശ്ശേരിയില് 23 മുതല് 27 വരെയും പാലക്കാട് മാര്ച്ച് ഒന്ന് മുതല് അഞ്ചു വരെയുമാണ് മേള നടക്കുന്നത്.
നഗരത്തിലെ ആറു തിയേറ്ററുകളിലായി 2,164 ഇരിപ്പിടങ്ങളാണുള്ളത്. വിവിധ വിഭാഗങ്ങളിലായി 2,500 പാസുകളാണ് തിരുവനന്തപുരത്തെ മേളയില് അനുവദിച്ചിട്ടുള്ളത്. അന്തരിച്ച കൊറിയന് സംവിധായകന് കിം കി ഡുക്ക്, അര്ജന്റീനിയന് സംവിധായകന് ഫെര്ണാണ്ടോ സോളനാസ്, ഇര്ഫാന് ഖാന്, രാമചന്ദ്രബാബു, ഷാനവാസ് നരണിപ്പുഴ, സൗമിത്ര ചാറ്റര്ജി, ഭാനു അത്തയ്യ, സച്ചി, അനില് നെടുമങ്ങാട്, ഋഷികപൂര് എന്നീ പ്രതിഭകളുടെ ചിത്രങ്ങളും മേളയുടെ ഭാഗമാകും.
മുപ്പതിലേറെ രാജ്യങ്ങളില് നിന്നുള്ള 80 ചിത്രങ്ങള് പ്രദര്ശനത്തിനെത്തും. മത്സരവിഭാഗത്തില് 14 ചിത്രങ്ങളാണുള്ളത്. കലൈഡോസ്കോപ്പ് വിഭാഗത്തില് സംസ്ഥാന പുരസ്കാരത്തിന് അര്ഹമായ വാസന്തി, ബിരിയാണി എന്നീ ചിത്രങ്ങളും പ്രദര്ശിപ്പിക്കും. ഇത്തവണ സംവാദ വേദിയും ഓപ്പണ്ഫോറവും ഓണ്ലൈനിലാണ്. ആദ്യദിനം നാലു മത്സരച്ചിത്രങ്ങളടക്കം പതിനെട്ടുചിത്രങ്ങള് പ്രദര്ശിപ്പിക്കും.
മത്സരവിഭാഗത്തില് ആദ്യം ബഹ്മെന് തവോസി സംവിധാനംചെയ്ത ‘ദി നെയിംസ് ഓഫ് ദ് ഫ്ളവേഴ്സ്’ എന്ന ചിത്രമാണ് പ്രദര്ശിപ്പിക്കുന്നത്. ഷീന്ലുക് ഗൊദാര്ദിനോടുള്ള ആദരസൂചകമായി അദ്ദേഹത്തിന്റെ ആറു ചിത്രങ്ങള് പ്രദര്ശിപ്പിക്കും.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.