തൊടുപുഴ: ലഭിക്കുന്ന വിവരത്തിന്റെ കൃത്യത ഉറപ്പുവരുത്തിയിട്ട് മാത്രമേ രഹസ്യ വിവരത്തിന്റെ അടിസ്ഥാനത്തില് ഒരാളുടെ വീട്ടിലും പരിസരത്തും പോലീസ് പരിശോധനകളും അന്വേഷണങ്ങളും നടത്താന് പാടുള്ളുവെന്ന് സംസ്ഥാന മനുഷ്യാവകാശ കമ്മീഷന്.
വിവാഹ നിശ്ചയം പോലുള്ള മംഗള കര്മ്മങ്ങള് കഴിഞ്ഞിരിക്കുന്ന വീട്ടില് ഇത്തരം രഹസ്യ വിവരങ്ങള് വൈരാഗ്യം തീര്ക്കാനുള്ള ഉപാധിയായി പലരും ഉപയോഗിക്കാറുണ്ടെന്നും കമ്മീഷന് ഉത്തരവില് പറഞ്ഞു. രഹസ്യ വിവരത്തിന്റെ വിശ്വാസ്യത മനസിലാക്കി വേണം പോലീസ് പ്രവര്ത്തിക്കേണ്ടതെന്നും കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക് ഉത്തരവില് പറഞ്ഞു.
ഭാവിയില് ഇത്തരം പരാതികള് ഉണ്ടാകാതിരിക്കാന് ആവശ്യമായ നിര്ദ്ദേശങ്ങള്
പോലീസ് ഉദ്യോഗസ്ഥര്ക്ക് നല്കണമെന്ന് കമ്മീഷന് സംസ്ഥാന പോലീസ് മേധാവിക്ക് നിര്ദ്ദേശം നല്കി. സേനാപതി സ്വദേശി സിജി പി. ആര്. സമര്പ്പിച്ച പരാതിയിലാണ് നടപടി. 2020 ഏപ്രില് 23 ന് ഉടുമ്പന്ചോല എസ് ഐയും സംഘവും തന്റെ വീട്ടിലെത്തി മദ്യം കാണിച്ചു കൊടുക്കാന് ആവശ്യപ്പെട്ടതായാണ് പരാതി. പോലീസുകാരുടെ പ്രവര്ത്തി കാരണം താന് മദ്യവില്പ്പനക്കാരനായെന്നും തന്റെ മകളുടെ നിശ്ചയിച്ച വിവാഹം മാറിപ്പോയെന്നും പരാതിയില് പറയുന്നു.
കമ്മീഷന് മൂന്നാര് ഡി വൈ എസ്പിയില് നിന്നും റിപ്പോര്ട്ട് വാങ്ങി. പരാതിക്കാരന് മദ്യം വില്ക്കുന്നുവെന്നും കള്ളതോക്ക് കൈവശം വച്ചെന്നുമുള്ള രഹസ്യവിവരത്തിന്റെ അടിസ്ഥാനത്തിലാണ് പരാതിക്കാരന്റെ വീട്ടുപരിസരത്ത് പരിശോധന നടത്തിയതെന്ന് റിപ്പോര്ട്ടില് പറയുന്നു. എന്നാല് ഒരു എയര്ഗണ് മാത്രമാണ് കിട്ടിയത്. പരാതിക്കാരന്റെ ആരോപണം ശരിയാണെങ്കില് വളരെ ഗൗരവം അര്ഹിക്കുന്ന ഒന്നാണെന്ന് കമ്മീഷന് ഉത്തരവില് പറഞ്ഞു.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.