തിരുവനന്തപുരം: പൊതുവിദ്യാഭ്യാസ മേഖലയില്‍ കേരളം തുടക്കമിട്ട ഡിജിറ്റല്‍ ക്ലാസുകള്‍ ഇതുവരെ സംപ്രേഷണം ചെയ്തത് 3100 മണിക്കൂര്‍ നീണ്ട 6200 എപ്പിസോഡ്. കോവിഡ് മഹാമാരിയെ തുടര്‍ന്ന് താല്‍ക്കാലിക സംവിധാനമായാണ് ഡിജിറ്റല്‍ ക്ലാസകള്‍ ആരംഭിച്ചത്.
പൊതുവിഭാഗത്തിനു പുറമെ തമിഴ്, കന്നട മീഡിയം ക്ലാസുകളും ഉള്‍പ്പെടെ അക്കാദമിക് വര്‍ഷത്തിനകത്തുതന്നെ സംപ്രേഷണം പൂര്‍ത്തിയാക്കി. അക്കാദമിക് ഉള്ളടക്കം തയ്യാറാക്കുന്നതിനും അവതരണത്തിനുമായി 10,000 അധ്യാപകരുടെ സേവനമാണ് കൈറ്റ് വിക്ടേഴ്സ് ചാനലിലൂടെയുള്ള സംപ്രേഷണത്തിനായി ഉപയോഗപ്പെടുത്തിയത്. ജനുവരി 17ന് പത്താംക്ലാസും ജനുവരി 30ന് പ്ലസ് ടുവും ക്ലാസുകള്‍ പൂര്‍ണമാകുമ്പോള്‍ സീറോ അക്കാദമിക് വര്‍ഷമോ കാലതാമസമോ ഇല്ലാതെ മാര്‍ച്ച് 17ന് പൊതുപരീക്ഷകളെ ആത്മവിശ്വാസത്തോടെ നേരിടാനൊരുങ്ങുകയാണ് 10 ലക്ഷത്തോളം വിദ്യാര്‍ഥികള്‍.
ജൂണ്‍ ഒന്നിന് താത്കാലികമായാണ് ഫസ്റ്റ് ബില്‍ തുടങ്ങിയതെങ്കിലും പിന്നീട് അക്കാദമിക വര്‍ഷം മുഴുവന്‍ നേടുന്നത് സമാനതകളില്ലാത്ത പദ്ധതിയായി ഫസ്റ്റ് ബെല്ലിനെ മാറ്റാനായെന്ന് പൊതു വിദ്യാഭ്യാസ മന്ത്രി രവീന്ദ്രനാഥ് പറഞ്ഞു. പൊതുവിദ്യാഭ്യാസ സംരക്ഷണയജ്ഞം നല്‍കിയ ഊര്‍ജവും സ്‌കൂളുകള്‍ ഹൈടെക്കായ പരിസരവും ഒപ്പം കൈറ്റ്, എസ്സിഇആര്‍ടി, എസ്എസ്‌കെ, എസ്‌ഐഇടി തുടങ്ങിയ മൊത്തം ഏജന്‍സികളുടെ കൂട്ടായ പ്രവര്‍ത്തനവും ഈ ഡിജിറ്റല്‍ വിദ്യാഭ്യാസത്തിന് കരുത്തുപകര്‍ന്നു.
വിക്ടേഴ്‌സിന്റെ യു ട്യൂബ് ചാനലില്‍ വരിക്കാര്‍ 24 ലക്ഷം കവിഞ്ഞു. 140 രാജ്യത്തുനിന്നായി പ്രതിദിനം 27 ടിബി വരെ ഡൗണ്‍ലോഡ് വിക്ടേഴ്സ് ലൈവ് പോര്‍ട്ടലിന് ഉണ്ടായി. എല്ലാ ക്ലാസും ഒരു കുടക്കീഴില്‍ തൂക്കുന്ന firstbell.kite.kerala.gov.in പോര്‍ട്ടല്‍ അധ്യാപകര്‍ക്കും കുട്ടികള്‍ക്കും ഏറെ സൗകര്യപ്രദമായി. പൊതുപരീക്ഷയ്ക്കുള്ള ക്ലാസുകള്‍ പൂര്‍ത്തിയാക്കി പരീക്ഷയ്ക്ക് പ്രയോജനപ്പെടും വിധമുള്ള റിവിഷന്‍ ക്ലാസുകളുടെ സംപ്രേഷണവും ഞായറാഴ്ച ആരംഭിച്ചു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.