തെരുവ് നായകളുടെ കടിയേറ്റ് വയോധികന്‍ മരിച്ചു

മലപ്പുറം: തെരുവ് നായകളുടെ കടിയേറ്റ് വയോധികന്‍ മരിച്ചു. എടച്ചലം സ്വദേശി വടക്കേക്കളത്തില്‍ ശങ്കരന്‍(65) ആണ് മരിച്ചത്. ഇന്നലെ വൈകിട്ട് നടക്കാനിറങ്ങിയ ശങ്കരനെ തെരുവ് നായകള്‍ ആക്രമിക്കുകയായിരുന്നു. സ്ഥലത്ത് ഫുട്‌ബോള്‍ കളിക്കാനെത്തിയ യുവാക്കളാണ് നായ്ക്കളുടെ കടിയേറ്റ് രക്തം വാര്‍ന്ന് കിടക്കുകയായിരുന്ന ശങ്കരനെ കണ്ടെത്തിയത്. തൃശൂരിലെ ആശുപത്രിയിലേക്ക് കൊണ്ടുപോകും വഴിയായിരുന്നു അന്ത്യം.