ഇന്ത്യ അടക്കമുള്ള രാജ്യങ്ങൾക്ക് വീണ്ടും സന്ദർശക വീസ നൽകി ദുബായ് ഇമിഗ്രേഷൻ

ഇന്ത്യയടക്കം തെരഞ്ഞെടുക്കപ്പെട്ട വിദേശ രാജ്യങ്ങളിലുള്ളവര്‍ക്ക്​ ദുബായ് ഇമിഗ്രേഷൻ സന്ദര്‍ശക വിസ അനുവദിച്ച്‌​ തുടങ്ങി. ഇതോടെ മലയാളികള്‍ അടക്കമുള്ള പ്രവാസികള്‍ക്ക്​ യു.എ.ഇയിലേക്ക്​ മടങ്ങിവരാനുള്ള സാധ്യത തെളിയും .വിവിധ രാജ്യങ്ങളിൽ നിന്നും ആളുകൾ ജോലി അന്വേഷിച്ചെത്താറുള്ളത് സന്ദർശക വീസയിലാണ്. ഇപ്പോൾ എല്ലാ രാജ്യങ്ങൾക്കും ടൂറിസ്റ്റ് വീസയും അനുവദിച്ചു തുടങ്ങിയിട്ടുണ്ട്. ടൂറിസ്റ്റ് ഏജൻസികൾ മുഖേനയാണ് ഈ വീസയ്ക്ക് അപേക്ഷ നൽകേണ്ടത്.

ഒട്ടേറെ പേര്‍ ഇന്നലെ തന്നെ വീസയ്ക്ക് അപേക്ഷിക്കുകയും ചെയ്തതായി ആമർ കേന്ദ്രങ്ങളും ട്രാവൽ ഏജൻസികളും വ്യക്തമാക്കി.കോവിഡ്–19 നെ തുടർന്ന് മാർച്ച് മുതൽ ദുബായ് സന്ദർശക വീസ അനുവദിക്കുന്നത് നിർത്തലാക്കിയിരുന്നു. നിലവില്‍ ദുബായ് വിസ മാത്രമാണ്​ അനുവദിക്കുന്നത്​. ആഗസ്​റ്റ്​ ഒന്നോടെ ഇവര്‍ക്ക്​ ​പ്രവേശനം അനുവദിക്കുമെന്നാണ്​ കരുതുന്നത്​.നിലവില്‍ ഇന്ത്യയില്‍ നിന്ന്​ യു.എ.ഇയിലേക്കുള്ള വിമാന സര്‍വീസ്​ നിര്‍ത്തിവെച്ചിരിക്കുകയാണെങ്കിലും ആഗസ്​റ്റ്​ ഒന്നിന്​ വന്ദേഭാരത്​ അടക്കമുള്ള സര്‍വീസുകള്‍ പുനരാരംഭിക്കും. വന്ദേഭാരതി​ല്‍ ഉള്‍പെടുത്തി എയര്‍ ഇന്ത്യ എക്​സ്​പ്രസും മറ്റ്​ സ്വകാര്യ വിമാന കമ്പനികളും ഷെഡ്യൂള്‍ പുറത്തിറക്കിയിട്ടുണ്ട്​. അതേസമയം, വിസിറ്റിങ്​ വിസക്കാര്‍ക്കുള്ള നിബന്ധനകള്‍ പ്രഖ്യാപിച്ചിട്ടില്ല

നേരത്തെ, അമേരിക്ക അടക്കമുള്ള രാജ്യങ്ങളിലെ സന്ദര്‍ശക വിസക്കാര്‍ക്ക് ദുബായിലേക്ക്​ പ്രവേശനാനുമതി നല്‍കിയിരുന്നു. എന്നാല്‍, ഇന്ത്യയില്‍ നിന്ന്​ റസിഡന്‍റ്​ വിസക്കാര്‍ക്ക്​ മാത്രമായിരുന്നു ​അനുമതി. ഇതോടെ വിസയില്ലാത്തവര്‍ നാട്ടില്‍ കുടുങ്ങുകയായിരുന്നു .