സിപിഎം പാര്ട്ടി കോണ്ഗ്രസില് പങ്കെടുക്കവെ കുഴഞ്ഞു വീണ എംസി ജോസഫൈന്, അവസാന ശ്വാസം വരെ പാര്ട്ടിക്കുവേണ്ടി ജീവിതം ഉഴിഞ്ഞുവെച്ച മഹിളാനേതാവാണ്. പാര്ട്ടി കോണ്ഗ്രസിന്റെ സമാപന ദിവസം വേദിയെ ദുഖസാന്ദ്രമാക്കി ജോസഫൈന്റെ വിയോഗ വാര്ത്തയാണ് അണികളേയും നേതാക്കളേയും തേടിയെത്തിയത്.
സിപിഎമ്മിന്റെ തലമുതിര്ന്ന നേതാവായിരുന്നു എംസി ജോസഫൈന്. പാര്ട്ടി നിലപാടിനൊപ്പം എന്നും നിലകൊള്ളുകയും കാര്ക്കശ്യത്തിന്റെ ആള്രൂപവുമായിരുന്നു.
അച്ചടക്കത്തിന്റെ കാര്യത്തിലും ജോസഫൈന് പാര്ട്ടി അണികള്ക്കും നേതാക്കള്ക്കും മാതൃകയുമായിരുന്നു.
ടെലിവിഷന് ലൈവ് ഇന് പ്രോഗ്രാമിനിടെ പരാതി പറയാന് വിളിച്ച സ്ത്രിയോട് അനുഭവിച്ചോ എന്ന് പറഞ്ഞത് വിവാദമായിരുന്നു. പരാതിക്കാരിയെ പരിഹസിച്ചത് മോശം പെരുമാറ്റമായി കണക്കിലെടുത്ത് പാര്ട്ടി വനിതാ കമ്മീഷന് അദ്ധ്യക്ഷ സ്ഥാനം ഒഴിയാന് ആവശ്യപ്പെട്ടപ്പോള് മുറുമുറുപ്പില്ലാതെ അച്ചടക്കത്തോടെ അനുസരിച്ച ജോസഫൈന് പിന്നീട് പാര്ട്ടി വേദികളില് മാത്രമാണ് പ്രത്യക്ഷപ്പെട്ടത്.
പരുക്കനായ പെരുമാറ്റത്തിന്റെ ഭാഗമായാണ് പരാതിക്കാരിയോട് ഭര്തൃപീഢനത്തെക്കുറിച്ച് പോലീസില് പരാതിപ്പെട്ടോ എന്നു ചോദിച്ചപ്പോള് ഇല്ല എന്ന മറുപടിക്ക് എങ്കില് അനുഭവിച്ചോ എന്ന് ഉത്തരം പറഞ്ഞത്.
എന്നാല്, ഈ വീഡിയോ വൈറലാകുകയും വിവാദമാകുകയും ചെയ്തു. ഇതിനെ തുടര്ന്നാണ് പാര്ട്ടി ജോസഫൈനോട് വനിതാ കമ്മീഷന് അദ്ധ്യക്ഷ പദവി ഒഴിയാന് ആവശ്യപ്പെട്ടത്.
തന്റെ പെരുമാറ്റത്തില് ഖേദം പ്രകടിപ്പിച്ച ശേഷം ഇക്കാര്യത്തെക്കുറിച്ച് പിന്നീട് പ്രതികരിക്കാന് അവര് തുനിഞ്ഞില്ല.
പാര്ട്ടി കോണ്ഗ്രസില് പങ്കെടുക്കുന്നതിന് വേണ്ടി കഴിഞ്ഞ ദിവസം കണ്ണൂരില് എത്തുകയും പാര്ട്ടി വേദികളില് നിറ സാന്നിദ്ധ്യമായി പ്രവര്ത്തിക്കുകയും ചെയ്യുന്നതിനിടെ ശനിയാഴ്ച വൈകീട്ട് ജോസഫൈന് കുഴഞ്ഞു വീഴുകയായിരുന്നു,
ഉടനെ തന്നെ പാര്ട്ടി പ്രവര്ത്തകര് ജോസഫൈനെ കണ്ണൂര് എകെജി ആശുപത്രിയില് പ്രവേശിപ്പിച്ചു. വെന്റിലേറ്ററില് തുടരുകയായിരുന്ന ജോസഫൈന് ഞായറാഴ്ച ഹൃദയാഘാതം ഉണ്ടാകുകയും മരണമടയുകയുമായിരുന്നു.
പാര്ട്ടി കോണ്ഗ്രസ് ഇന്ന് സമാപിക്കാനിരിക്കെയാണ് സമ്മേളന വേദിയെ സങ്കടത്തിലാഴ്ത്തി തങ്ങളുടെ പ്രിയ നേതാവിന്റെ വിയോഗ വാര്ത്ത എത്തിയത്.
മുതിര്ന്ന നേതാക്കള് എല്ലാവരും വാര്ത്ത കേട്ട് എകെജി ആശുപത്രിയിലെത്തി. ജോസഫൈന്റെ ഭൗതിക ദേഹം പൊതുദര്ശനത്തിന് വെച്ച ശേഷം ഔദ്യോഗിക ബഹുമതികളോടെ സംസ്കരിക്കുമെന്ന് പാര്ട്ടി നേതൃത്വം അറിയിച്ചു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.