ഡല്ഹി: കുറഞ്ഞ നിരക്കില് കോവിഡ് വാക്സിന് നല്കുമെന്ന പ്രധാനമന്ത്രിയുടെ പ്രഖ്യാപനത്തിനെതിരെ എംപിമാര്. കോവിഡ് വാക്സിന് സൗജന്യമായി നല്കണമെന്ന് ഇടത് എംപിമാരായ എം.വി ശ്രേയാംസ്കുമാറും എളമരം കരീമും ആവശ്യപ്പെട്ടു. സാധാരണക്കാര്ക്ക് താങ്ങാന് കഴിയുന്ന വിലയല്ല വാക്സിന്. പ്രധാനമന്ത്രി വിളിച്ച സര്വകക്ഷി യോഗത്തിന് ശേഷമാണ് ഇടത് എംപിമാരുടെ പ്രതികരണം. ആദിവാസി വിഭാഗങ്ങള് ഉള്പ്പെടെയുള്ളവര്ക്ക് താങ്ങാന് സാധിക്കാത്ത വിലയാണെന്നും എം.വി ശ്രേയാംസ്കുമാര് പറഞ്ഞു. വാക്സിന് വിതരണത്തിലും സംഭരണത്തിലും അവ്യക്തതയുണ്ടെന്നും ഇടത് എംപിമാര് പറഞ്ഞു.
വാക്സിന് സൗജന്യമാക്കണമെന്ന ആവശ്യത്തോട് കേന്ദ്രം പ്രതികരിച്ചില്ലെന്ന് എളമരം കരീം വ്യക്തമാക്കി.
രാജ്യത്ത് കോവിഡ് വാക്സിന് ആഴ്ചകള്ക്കകം ലഭ്യമാകുമെന്നാണ് പ്രധാനമന്ത്രി നരേന്ദ്രമോദി പറഞ്ഞത്. ശാസ്ത്രജ്ഞര് അംഗീകാരം നല്കുന്ന ഉടന് വാക്സീനേഷന് ആരംഭിക്കും. കോവിഡ് മുന്നണിപ്പോരാളികള്ക്കായിരിക്കും വാക്സീന് നല്കുന്നതില് മുന്ഗണനയെന്നും പ്രധാനമന്ത്രി പറഞ്ഞു. വാക്സീന്റെ നിര്മാണവും വിതരണവും സര്വകക്ഷിയോഗം വിളിച്ച് പ്രധാനമന്ത്രി വിശദീകരിച്ചു. വാക്സീന് സൗജന്യമായി ജനങ്ങള്ക്ക് ലഭ്യമാക്കണമെന്ന് യോഗത്തില് പങ്കെടുത്ത പാര്ലമെന്റിലെ വിവിധ കക്ഷി നേതാക്കള് ആവശ്യപ്പെട്ടു. വില സംബന്ധിച്ച് സംസ്ഥാനങ്ങളുമായി ചര്ച്ച തുടരുകയാണെന്നും പ്രധാനമന്ത്രി വ്യക്തമാക്കി.
ആരോഗ്യപ്രവര്ത്തകര്, പ്രായമയവര് ഗുരുതര രോഗമുള്ളവര് എന്നിവര്ക്കാണ് കോവിഡ് വാക്സിന് ആദ്യം നല്കുകയെന്ന് പ്രധാനമന്ത്രി പറഞ്ഞു. വിലകുറഞ്ഞതും സുരക്ഷിതവുമായ വാക്സിന് ലഭിക്കാന് ലോകം കാത്തിരിക്കുകയാണ്. അതുകൊണ്ടാണ് ലോകം ഇന്ത്യയെ നിരീക്ഷിക്കുന്നത്. കുറഞ്ഞ വിലയക്ക് വാക്സിന് ലഭ്യമാക്കാനാണ് കേന്ദ്രം ശ്രമിക്കുന്നത്. 24 മണിക്കൂറും വാക്സിന് നിര്മാണം നടന്നുവരികയാണ്.
കാത്തിരിപ്പ് നീളില്ല, ശാസ്ത്രജ്ഞര് ആത്മവിശ്വാസത്തിലാണെന്നും മോദി പറഞ്ഞു.കോവിഡ് വാക്സിന് ആദ്യമായി ലഭിക്കുന്നത് മുന്നിര ആരോഗ്യ പ്രവര്ത്തകര്, പ്രായമായവര്, ഗുരുതര രോഗങ്ങളുള്ളവര് എന്നിവര്ക്കായിരിക്കും. വാക്സിന്റെ വില സംബന്ധിച്ച് കേന്ദ്രം സംസ്ഥാന സര്ക്കാരുകളുമായി ചര്ച്ച നടത്തുന്നുണ്ട്. പൊതുജനാരോഗ്യത്തെ മുന്നിര്ത്തിയാവും തീരുമാനമെന്നും അദ്ദേഹം പറഞ്ഞു. വാക്സിന് വലിയ തോതില് നിര്മിക്കാന് ആവശ്യമായ സൗകര്യങ്ങള് ഇന്ത്യയിലുണ്ട്. വാസ്തവത്തില്, ഇന്ത്യയുടെ തയാറെടുപ്പ് മറ്റുള്ളവരെ അപേക്ഷിച്ച് മികച്ചതാണെന്നും മോദി ചൂണ്ടിക്കാട്ടി.
മസ്കത്ത്: സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ ശ്രദ്ധേയമായ സംഭാവനകൾ നൽകുന്ന വ്യക്തിത്വങ്ങളെ ആദരിക്കുന്നതിനായി റൂവി മലയാളി അസോസിയേഷൻ (RMA)…
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
This website uses cookies.