ന്യൂഡല്ഹി: കൊറോണ വൈറസിന്റെ സൗത്ത് ആഫ്രിക്കന്, ബ്രസീലിയന് വകഭേദങ്ങള് രാജ്യത്ത് കണ്ടെത്തിയതിന് പിന്നാലെ പുതിയ യാത്രാ മാര്ഗനിര്ദേശങ്ങള് കേന്ദ്രസര്ക്കാര് പുറത്തിറക്കി. കൊറോണ വൈറസിന്റെ സൗത്ത് ആഫ്രിക്കന് വകഭേദം നാലു പേരിലും ബ്രസീലിയന് വകഭേദം ഒരാളിലുമാണ് ഇതുവരെ കണ്ടെത്തിയിട്ടുള്ളതെന്ന് ഇന്ത്യന് കൗണ്സില് ഫോര് മെഡിക്കല് റിസര്ച്ച് അറിയിച്ചിട്ടുണ്ട്. പുതുതായി കണ്ടെത്തിയ ഈ രണ്ടു വകഭേദങ്ങള്ക്കും പകര്ച്ച വ്യാപന സാധ്യത വളരെക്കൂടുതലാണ്.
യു.കെ. യൂറോപ്പ്, മിഡില് ഈസ്റ്റ് എന്നിവിടങ്ങളില്നിന്ന് വരുന്നവര് ഒഴികെയുള്ള യാത്രക്കാര്ക്കാണ് പുതിയ നിര്ദേശം ബാധകമാവുക. അതേസമയം, യു.കെ. യൂറോപ്പ്, മിഡില് ഈസ്റ്റ് എന്നിവിടങ്ങളില്നിന്ന് നേരിട്ടുള്ള വിമാനം വഴിയോ മാറിക്കയറിയോ എത്തുന്ന എല്ലാ യാത്രക്കാരും തങ്ങളുടെ 14 ദിവസത്തെ ട്രാവല് ഹിസ്റ്ററി വെളിപ്പെടുത്തണമെന്നും നിര്ദേശമുണ്ട്.
പുതിയ മാര്ഗനിര്ദേശ പ്രകാരം, യാത്ര പുറപ്പെടുന്നതിന് 72 മണിക്കൂര് മുന്പ് നടത്തിയ ആര്.ടി.പി.സി.ആര്. ടെസ്റ്റില് നെഗറ്റീവ് ആയവര്ക്കു മാത്രമേ വിമാനത്തില് പ്രവേശിക്കാന് അനുമതിയുള്ളൂ. അതേസമയം, കുടുംബത്തില് മരണം സംഭവിച്ചതുമൂലം യാത്ര ചെയ്യുന്നവരെ ഈ നിബന്ധനയില്നിന്ന് ഒഴിവാക്കിയിട്ടുണ്ട്.
ഇന്ത്യയിലേക്ക് വരാന് ആഗ്രഹിക്കുന്നവര്, യാത്രയ്ക്ക് മുന്പ് കോവിഡ് നെഗറ്റീവ് ആണെന്ന് സ്വയം സാക്ഷ്യപ്പെടുത്തിയ രേഖ എയര് സുവിധ പോര്ട്ടലില് അപ്ലോഡ് ചെയ്യണം. കൂടാതെ ആര്ടിപിസിആര് ടെസ്റ്റില് നെഗറ്റീവ് ആണെന്ന റിപ്പോര്ട്ടും അപ്ലോഡ് ചെയ്യണം. തെറ്റായ വിവരമാണ് അപ്ലോഡ് ചെയ്യുന്നതെങ്കില്, അത് ക്രിമിനല് കുറ്റമായി പരിഗണിക്കാന് സാധ്യതയുണ്ട്.
യു.കെ., യൂറോപ്പ്, മിഡില് ഈസ്റ്റ് എന്നിവിടങ്ങളിലൂടെ സഞ്ചരിച്ച് ഇന്ത്യയിലെത്തുന്നവര്, ഇവിടെ എത്തിയതിനു ശേഷം സ്വന്തം ചിലവില് ആര്ടിപിസിആര് ടെസ്റ്റ് ചെയ്യണം. ഇത് നിര്ബന്ധമാണ്. സൗത്ത് ആഫ്രിക്കയില് നിന്നും ബ്രസീലില് നിന്നും ഇന്ത്യയിലേക്ക് നേരിട്ട് വിമാന സര്വീസ് ഇല്ലാത്തതിനാല്, ഈ രണ്ട് രാജ്യങ്ങളില്നിന്നുമുള്ളവര് മേല്പ്പറഞ്ഞ വിഭാഗത്തില് ഉള്പ്പെടും.
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.