യു.എ.ഇ യില്‍ 289 പുതിയ കോവിഡ് കേസുകൾ: 469 പേര്‍ക്ക് രോഗമുക്തി

രാ‍ജ്യത്ത് 289 പുതിയ കോവിഡ് -19 കേസുകള്‍ റിപ്പോര്‍ട്ട് ചെയ്തതായി യുഎഇ ആരോഗ്യ-പ്രതിരോധ മന്ത്രാലയം ശനിയാഴ്ച പുറത്തുവിട്ട കണക്കുകളില്‍ പറയുന്നു. 469 പേര്‍ രോഗമുക്തി നേടുകയും ഒരു മരണം സംഭവിക്കുകയും ചെയ്തു. 46,000 പുതിയ ടെസ്റ്റുകളാണ് രാജ്യത്ത് നടത്തിയത്.

ജൂലൈ 18 വരെ സജീവമായ കേസുകളുടെ എണ്ണം 7,456 ആണ്. ആകെ രോഗമുക്തി നേടിയവര്‍ 48,917 ആണ്. കൊറോണ വൈറസ് കേസുകൾ നേരത്തേ കണ്ടെത്തുന്നതിനും ആവശ്യമായ ചികിത്സ നടപ്പാക്കുന്നതിനും രാജ്യവ്യാപകമായി പരിശോധനയുടെ വ്യാപ്തി വിപുലീകരിക്കുകയെന്ന ലക്ഷ്യത്തോടെ നിരവധി പദ്ധതികള്‍ക്ക് മന്ത്രാലയം തുടക്കമിടുന്നുണ്ട്.