സിബിഎസ്ഇ പ്ലസ് ടു ഫലം പ്രഖ്യാപിച്ചു; 88.78 ശതമാനം വിജയം

ഡല്‍ഹി: സിബിഎസ്ഇ പ്ലസ് ടു ഫലം പ്രഖ്യാപിച്ചു. രാജ്യത്ത് 88.78 ശതമാനം വിജയമാണ് ഇത്തവണ രേഖപ്പെടുത്തിയിരിക്കുന്നത്. സിബിഎസ്ഇ ഔദ്യോഗിക വെബ്‌സൈറ്റായ http://cbseresults.nic.in. ല്‍ നിന്ന് വിദ്യാര്‍ത്ഥികള്‍ക്ക് ഫലമറിയാം. വിജയശതമാനത്തില്‍ കഴിഞ്ഞ വര്‍ഷത്തേക്കാള്‍ 5.38 ശതമാനം വര്‍ധനവാണ് ഉണ്ടായിരിക്കുന്നത്. തിരുവനന്തപുരം ജില്ലയിലാണ് രാജ്യത്തെ ഏറ്റവും കൂടുതല്‍ വിജയ ശതമാനം രേഖപ്പെടുത്തിയതിരിക്കുന്നത്. 97.67 വിജയശതമാനമാണ് ജില്ലയില്‍ രേഖപ്പെടുത്തിയിരിക്കുന്നത്. ഇത്തവണ പരീക്ഷയില്‍ മികച്ച പ്രകടനം കാഴ്ച വെച്ചിരിക്കുന്നത് പെണ്‍കുട്ടികളാണ്.

കോവിഡിന്‍റെ പശ്ചാത്തലത്തില്‍ നിരവധി പ്രതിസന്ധികള്‍ക്കൊടുവിലായിരുന്നു ഇക്കുറി പരീക്ഷ നടന്നത്. കോവിഡ് വ്യാപനം മൂലം പൂര്‍ത്തിയാക്കാനാവാതെ പോയ പരീക്ഷകളുടെ മാര്‍ക്കുകള്‍ നേരത്തെ പ്രസിദ്ധീകരിച്ച മാര്‍ഗ നിര്‍ദേശങ്ങള്‍ക്ക് ഏനുസരിച്ചാണ് സിബിഎസ്ഇ ഫലം പ്രഖ്യാപിച്ചത്. കേന്ദ്ര മന്ത്രി രമേശ് പൊഖ്രിയാല്‍ വിദ്യാര്‍ത്ഥികള്‍ക്ക് ആശംസയും നേര്‍ന്നു