Web Desk
കൊവിഡ് വ്യാപനത്തിന്റെ പശ്ചാത്തലത്തില് യുഎഇ പൗരന്മാര് രാജ്യത്തിന് പുറത്തേക്ക് യാത്രചെയ്യുമ്പോള് പാലിക്കേണ്ട മാര്ഗ നിര്ദ്ദേശങ്ങള് പുറത്തിറക്കി. ഈ ആഴ്ച പുറത്തിറക്കിയ പുതിയ മാര്ഗ്ഗനിര്ദ്ദേശങ്ങള് അനുസരിച്ച് ജൂണ് 23 മുതല് യുഎഇ പൗരന്മാര്ക്കും സ്ഥിരതാമസക്കാര്ക്കും വിദേശയാത്ര നടത്താം. കോവിഡ് -19 ന്റെ വ്യാപനം തടയുന്നതിനുള്ള മുന്കരുതല് നടപടിയുടെ ഭാഗമായി യുഎഇ മാര്ച്ചില് അന്താരാഷ്ട്ര യാത്രയ്ക്കുള്ള അതിര്ത്തികള് അടച്ചിരുന്നു.
പുതിയ മാര്ഗ്ഗനിര്ദ്ദേശങ്ങള് അനുസരിച്ച് രാജ്യത്തുനിന്ന് മടങ്ങാന് ആഗ്രഹിക്കുന്നവര്ക്കും അപകടസാധ്യത കുറഞ്ഞ സ്ഥലങ്ങളിലേക്ക് യാത്ര ചെയ്യാന് ആഗ്രഹിക്കുന്നവര്ക്കും യുഎഇ അതിര്ത്തികള് വീണ്ടും തുറക്കാന് ഒരുങ്ങുകയാണ്.
യുഎഇയില് നിന്ന് യാത്ര ചെയ്യുന്നതിന് യാത്രക്കാര് പാലിക്കേണ്ട മാനദണ്ഡങ്ങള്
1. ത്വാജുഡി സേവനത്തിനായി യുഎഇ-ല് നിന്ന് യാത്രചെയ്യുന്ന ഓരോ പൗരന്മാരും സ്ഥിരതാമസക്കാരും ഫെഡറല് അതോറിറ്റി ഫോര് ഐഡന്റിറ്റി ആന്ഡ് സിറ്റിസണ്ഷിപ്പ് വെബ്സൈറ്റില് രജിസ്ട്രര് ചെയ്യണം.
2. യാത്രക്കാരന്റെ ആരോഗ്യനില സംബന്ധിക്കുന്ന ഫോം പൂരിപ്പിച്ച് നല്കേണ്ടത് അത്യാവശ്യമാണ്. പ്രായമുള്ളവര്ക്കും, മറ്റെന്തെങ്കിലും രോഗം ഉള്ളവര്ക്കും യാത്രാനുമതി ഇല്ല.
3. യാത്രചെയ്യാന് ഉദ്ദേശിക്കുന്ന രാജ്യത്തെ പരിശോധനാക്രമങ്ങള്, ആരോഗ്യ പരിരക്ഷ, ക്വാറന്റൈന് നടപടികള് തുടങ്ങിയവയെപ്പറ്റി കൃത്യമായ ബോധ്യം ഉണ്ടായിരിക്കണം
4. വിമാനത്താവളത്തില് മാസ്കുകള്, കയ്യുറകള് എന്നിവ ധരിക്കുകയും സാമൂഹിക അകലം പാലിക്കുകയും ചെയ്യുക
5. നാഷണല് ക്രൈസിസ് ആന്ഡ് എമര്ജന്സി മാനേജ്മെന്റ് അതോറിറ്റിയുടെ ഏറ്റവും പുതിയ നിര്ദ്ദേശമനുസരിച്ച് യാത്ര ചെയ്യുന്നതിന് മുമ്പ് ഓരോ യാത്രക്കാരനും കോവിഡ് ടെസ്റ്റ് നിര്ബന്ധമാണ്. യാത്രാനുമതി പരിശോധനാ ഫലം നെഗറ്റീവ് ആയവര്ക്കുമാത്രം.
6. ലക്ഷ്യസ്ഥാനങ്ങളില് എത്തിയശേഷം എന്തെങ്കിലും ലക്ഷണങ്ങള് അനുഭവപ്പെടുകയാണെങ്കില് അടുത്തുള്ള മെഡിക്കല് സെന്ററിനെ സമീപിക്കുക, ആ രാജ്യത്തെ യുഎഇ എംബസിയെ അറിയിക്കുക.
യുഎഇയിലേക്ക് യാത്ര ചെയ്യുന്നവര് പാലിക്കേണ്ട നടപടിക്രമങ്ങള്
1. യുഎഇയിലേക്ക് യാത്രചെയ്യുന്നവര് നിര്ബന്ധമായും AlHosn app ഡൗണ്ലോഡ് ചെയ്യണം.
2. യുഎഇയില് എത്തുന്നവര് ക്വാറന്റൈന് മാര്ഗ്ഗനിര്ദ്ദേശങ്ങളും പരിശോധന നടപടിക്രമങ്ങളും പാലിക്കണം. യാത്രക്കാരന് മടങ്ങിവരുന്ന സ്ഥലത്തെ ആശ്രയിച്ച് നടപടിക്രമങ്ങള് വ്യത്യാസപ്പെടും.
3. കോവിഡ്-19 നെ തടയാനുള്ള ഫെഡറല്-പ്രാദേശിക മാര്ഗ്ഗനിര്ദ്ദേശങ്ങള് പാലിക്കാന് അവര് ശ്രദ്ധിക്കണം.
പി.കെ സജിത് കുമാര് : കേരളത്തിന്റെ സമ്പത് ഘടനയിൽ തന്നെ ഒരു മാറ്റം കൊണ്ടുവരുന്നതിന്റെ തുടക്കമായി കാണുന്നുണ്ട്. പ്രത്യേകിച്ച് മരിടൈം…
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
This website uses cookies.