കോവിഡ് മഹാമാരിക്ക് ശേഷം ആദ്യമായി പ്രസിഡന്ഷ്യല് കൊട്ടാരത്തില് യു.എ.ഇ മന്ത്രിസഭ ചേര്ന്നു. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ശൈഖ് മുഹമ്മദ് ബിന് റാശിദ് അല് മക്തൂം അധ്യക്ഷത വഹിച്ചു. എല്ലാ മന്ത്രിമാരും മാസ്ക് ധരിച്ചാണെത്തിയത്. സാമൂഹിക അകലം നിലനിര്ത്തിക്കൊണ്ടായിരുന്നു യോഗം. ഇത് സംബന്ധിച്ചുള്ള ചിത്രങ്ങള് ശൈഖ് മുഹമ്മദ് സമൂഹ മാധ്യമങ്ങളില് പങ്കിട്ടു കോവിഡ് കണക്കിലെടുത്തു വീഡിയോ കോണ്ഫറന്സിംഗ് വഴി വിദൂര മന്ത്രിസഭയാണ് നടന്നിരുന്നത്. കഴിഞ്ഞ മാസം നടന്ന മന്ത്രിസഭാ പുനഃസംഘടനക്കു ശേഷം ആദ്യമായാണ് ഇത്തരത്തില് യോഗം.
നിരവധി മന്ത്രാലയങ്ങളും ഫെഡറല് വകുപ്പുകളും ലയിപ്പിച്ച് ഒരു പുതിയ സര്ക്കാര് ഘടന രൂപീകരിച്ചു. 33 അംഗങ്ങളാണ് മന്ത്രിസഭയില് ഉള്ളത്. പുതിയ സാമ്പത്തിക മന്ത്രി അബ്ദുല്ല ബിന് തൗക് അല് മര്റി മുന്നോട്ടുവെച്ച 33 പുതിയ നിര്ദേശങ്ങള്ക്ക് മന്ത്രിസഭ അംഗീകാരം നല്കി. 33 സംരംഭങ്ങളുടെയും നടപ്പാക്കലും പുരോഗതിയും നിരീക്ഷിക്കുന്ന പുതിയ സമിതിക്ക് അദ്ദേഹം നേതൃത്വം നല്കും.
‘ഉപപ്രധാനമന്ത്രിയും പ്രസിഡന്ഷ്യല് കാര്യ മന്ത്രിയുമായ എന്റെ സഹോദരന് ശൈഖ് മന്സൂര് ബിന് സായിദ് അല് നഹ്യാന്റെ നേതൃത്വത്തിലുള്ള മന്ത്രിസഭാ വികസന സമിതിയും എന്റെ സഹോദരന് ശൈഖ് ഹംദാന് ബിന് റാശിദ് അല് മക്തൂമിന്റെ നേതൃത്വത്തിലുള്ള പൊതു ബജറ്റ് കമ്മിറ്റിയും പുനഃസംഘടിപ്പിച്ചു. നിരവധി ഫെഡറല് വിഷയങ്ങള് കൈകാര്യം ചെയ്യുന്നതിനാല് മികച്ച ടീമാണിത്’, ശൈഖ് മുഹമ്മദ് പറഞ്ഞു.
ടൂറിസം മേഖലയെ പുനരുജ്ജീവിപ്പിക്കാനുള്ള ചുമതല സംരംഭക, ചെറുകിട, ഇടത്തരം സംരംഭങ്ങളുടെ സഹമന്ത്രി ഡോ. അഹ്മദ് ബിന് അബ്ദുല്ല ബില്ഹൂലിനാണ്. പ്രതിഭകളെ ആകര്ഷിക്കുന്നതിനുള്ള ഉത്തരവാദിത്തം വിദേശ വ്യാപാര സഹമന്ത്രി ഡോ. താനി ബിന് അഹമ്മദ് അല് സിയൂദി വഹിക്കുമെന്ന് ശൈഖ് മുഹമ്മദ് ട്വീറ്റ് ചെയ്തു. സര്ക്കാറിന്റെ പുതിയ സീസണ് സെപ്തംബറില് അല്ല ആഗസ്റ്റില് തന്നെ ആരംഭിക്കുമെന്ന് ശൈഖ് മുഹമ്മദ് പറഞ്ഞു.
‘അസാധാരണമായ സാഹചര്യങ്ങള് കാരണം ഈ വേനല്ക്കാലത്തും മന്ത്രിസഭയുടെ പ്രവര്ത്തനം തുടരും, പദ്ധതികള് പുനരാരംഭിക്കും. നമ്മുടെ വിജയം തുടര്ച്ചയായി സജീവമായിരിക്കുന്നതുമായി ബന്ധപ്പെട്ടിരിക്കുന്നു, ശൈഖ് മുഹമ്മദ് അഭിപ്രായപ്പെട്ടു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.