തെലുങ്ക് താരം രാം ചരണിന് കോവിഡ്

ഹൈദരാബാദ്: തെലുങ്ക് താരം രാം ചരണിന് കോവിഡ് സ്ഥിരീകരിച്ചു. താരം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. ലക്ഷണങ്ങളൊന്നുമില്ലെന്നും വീട്ടില്‍ നിരീക്ഷണത്തില്‍ കഴിയുകയാണെന്നും രാം ചരണ്‍ ട്വിറ്ററില്‍ കുറിച്ചു. ഉടന്‍ തന്നെ സുഖം പ്രാപിക്കുമെന്നാണ് പ്രതീക്ഷയെന്നും കൂടുതല്‍ ശക്തിയോടെ തിരിച്ചുവരുമെന്നും ട്വീറ്റില്‍ പറയുന്നു. കഴിഞ്ഞ ദിവസങ്ങളിലായി താനുമായി സമ്പര്‍ക്കം പുലര്‍ത്തിയവര്‍ കോവിഡ് ടെസ്റ്റ് നടത്തണമെന്നും താരം ആവശ്യപ്പെട്ടു.