സംസ്ഥാനത്ത് ഇന്ന് നാല് കോവിഡ് മരണം

സംസ്ഥാനത്ത് ഇന്ന് കോവിഡ് മരണം നാലായി. കോഴിക്കോട് മെഡിക്കല്‍ കോളജില്‍ രണ്ടും തിരുവനന്തപുരം, തിരുവല്ല എന്നിവിടങ്ങളില്‍ ഓരോരുത്തരുമാണ് മരിച്ചത്.

വടകര സ്വദേശി മോഹനന്‍ (68) ആണ് കോവിഡ് മൂലം മരിച്ച ഒരാള്‍. കിഡ്‌നി, പ്രമേഹം,ഹൃദ്രോഗം എന്നീ രോഗങ്ങള്‍ക്ക് ചികിത്സയിലായിരുന്നു ഇയാള്‍. സ്വകാര്യ ആശുപത്രിയില്‍ നടത്തിയ പരിശോധനയിലാണ് ഇയാള്‍ക്ക് രോഗം സ്ഥിരീകരിച്ചത്. തുടര്‍ന്ന് കോഴിക്കോട് മെഡിക്കല്‍ കോളേജിലേക്ക് മാറ്റുകയായിരുന്നു. ആരോഗ്യ നില വഷളായതിനെ തുടര്‍ന്നാണ് ഇയാള്‍ക്ക് മരണം സംഭവിച്ചത് . വെഞ്ഞാറംമൂട് സ്വദേശി ബഷീര്‍, തിരുവല്ല കുറ്റൂര്‍ സ്വദേശി മാത്യു എന്നിവരാണ് കൊറോണ ബാധിച്ച്‌ മരിച്ച മറ്റു രണ്ടു പേര്‍.

ചികിത്സയില്‍ ഇരിക്കെ കഴിഞ്ഞ ദിവസമാണ് ബഷീര്‍ മരിച്ചത്. തുടര്‍ന്ന് നടത്തിയ സ്രവപരിശോധനയില്‍ മരണ കാരണം കൊറോണയാണെന്ന് കണ്ടെത്തുകയായിരുന്നു. ബഷീറിന്റെ മൃതദേഹം കൊറോണ പ്രോട്ടോകോള്‍ പ്രകാരം സംസ്‌കരിക്കും.കൊറോണയെ തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയിലാണ് മാത്യു ചികിത്സയിലിരുന്നത്. മാത്യുവിന് വൃക്ക സംബന്ധമായ അസുഖം ഉണ്ടായിരുന്നതായി ആശുപത്രി അധികൃതര്‍ അറിയിച്ചു.