ലോകത്ത് 3.67 കോടി കോവിഡ് ബാധിതർ; 10,66,345 മരണം

ന്യൂയോർക്ക്: ലോകത്ത് കോവിഡ് ബാധിതരുടെ എണ്ണം കുതിച്ചുയരുന്നു. ആകെ വൈറസ് ബാധിതരുടെ എണ്ണം 3,6735,514 ആയി ഉയർന്നു. 1,066,345 പേർ മരിച്ചു. രോഗമുക്തി നേടിയവരുടെ എണ്ണം 2,7630,381 ആയി.

രോഗബാധിതരുടെ എണ്ണത്തിൽ അമേരിക്ക തന്നെയാണ് ഇപ്പോഴും ഒന്നാമത്. ഇതുവരെ എഴുപത്തിയെട്ട് ലക്ഷത്തിലധികം പേർക്കാണ് കൊവിഡ് സ്ഥിരീകരിച്ചത്. മരണസംഖ്യ രണ്ട് ലക്ഷത്തി പതിനേഴായിരം കടന്നു. അമ്പത് ലക്ഷത്തിലധികം പേർ സുഖം പ്രാപിച്ചു.

ഇന്ത്യയിൽ കൊവിഡ് ബാധിതരുടെ എണ്ണം 69 ലക്ഷത്തോടടുക്കുന്നു. ആകെ മരണം 1,05,526 ആയി ഉയർന്നു. കഴിഞ്ഞദിവസം 78,524 പേർ രോഗികളായി. 971പേർ മരിച്ചു. 9,02,425പേരാണ് ചികിത്സയിൽ കഴിയുന്നത്. 58,27,705 പേർ രോഗമുക്തരായതായി കേന്ദ്ര ആരോഗ്യമന്ത്രാലയം അറിയിച്ചു.ബ്രസീലിലും രോഗവ്യാപനം രൂക്ഷമാകുകയാണ്. രാജ്യത്ത് ഇതുവരെ അമ്പത് ലക്ഷത്തിലധികം പേർക്കാണ് കോവിഡ് സ്ഥിരീകരിച്ചത്. മരണസംഖ്യ ഒന്നരലക്ഷത്തോടടുക്കുന്നു. 4,414,564 പേർ രോഗമുക്തി നേടി.