ഗാര്‍ഹിക തൊഴിലാളികള്‍ക്ക് ആരോഗ്യ ഇന്‍ഷുറന്‍സ് നിര്‍ബന്ധമാക്കാന്‍ സൗദി ഭരണാധി കാരി സല്‍മാന്‍ രാജാവിന്റെ അധ്യക്ഷതയില്‍ ചൊവ്വാഴ്ച രാത്രിയില്‍ ചേര്‍ന്ന മന്ത്രിസഭാ യോഗത്തിലായിരുന്നു തീരുമാനം
റിയാദ്: സൗദി അറേബ്യയില്‍ ഗാര്‍ഹിക തൊഴിലാളികള്‍ക്ക് ആരോഗ്യ ഇന്‍ഷുറന്‍സ് നിര്‍ബന്ധമാ ക്കാന്‍ തീരുമാനം. സൗദി ഭരണാധികാരി സല്‍ മാന്‍ രാജാവിന്റെ അധ്യക്ഷതയില്‍ ചൊവ്വാഴ്ച രാത്രി യില്‍ ചേര്‍ന്ന മന്ത്രിസഭാ യോഗത്തിലായിരുന്നു തീരുമാനം.
ഹൗസ് ഡ്രൈവര്‍, മറ്റ് വീട്ടുജോലിക്കാര്‍, ഗാര്‍ഡനര്‍ തുടങ്ങിയ ഗാര്‍ഹിക തൊഴിലാളികള്‍ക്കാണ് ആരോഗ്യ ഇന്‍ഷുറന്‍സ് നിര്‍ബന്ധമാക്കുന്നത്. ഗാര്‍ഹിക തൊഴിലാളികളെ റിക്രൂട്ട് ചെയ്ത് എത്തിച്ചു നല്‍കുന്ന റിക്രൂട്ട്മെന്റ് സ്ഥാപനങ്ങളാണ് ഗാര്‍ഹിക തൊഴിലാളികളുടെ കരാര്‍ ഇന്‍ഷുര്‍ ചെയ്യേ ണ്ടത്. ഇതിനുള്ള ചെലവ് ഉപയോക്താക്കളായ തൊഴിലുടമകളും റിക്രൂട്ട്മെന്റ് സ്ഥാപനങ്ങളും ഒപ്പുവെക്കുന്ന കരാര്‍ ചെലവില്‍ ഉള്‍പ്പെടുത്തി ഈടാക്കും.
ഉപയോക്താക്കളും റിക്രൂട്ട്മെന്റ് സ്ഥാപനങ്ങളും ഒപ്പുവെക്കുന്ന കരാര്‍ പ്രാബല്യത്തില്‍ വരുന്ന തീയതി മുതല്‍ രണ്ടു വര്‍ഷത്തേക്കാണ് കരാര്‍ ഇന്‍ഷുര്‍ ചെയ്യുക. ഇതിനു ശേഷം ഇഖാമ പുതു ക്കുമ്പോള്‍ ഇന്‍ഷുറന്‍സ് ഏര്‍പ്പെടുത്താനും ഏര്‍പ്പെടുത്താതിരിക്കാനും തൊഴിലുടമകള്‍ക്ക് സ്വാതന്ത്ര്യമുണ്ടാകും.
വീട്ടുജോലിക്കാര്‍ കരാര്‍ കാലാവധിക്കു മുമ്പ് ഒഴിവായിപ്പോയാല്‍ നഷ്ടപരിഹാരം ലഭ്യമാക്കുന്നതിന് ഇന്‍ഷുറന്‍സ് പരിരക്ഷ ഏര്‍പ്പെടുത്താന്‍ സൗദി സര്‍ക്കാര്‍ നേരത്തെ തീരുമാനിച്ചിരുന്നു. ഓടിപ്പോ കുകയോ ജോലി തുടരാന്‍ വിസമ്മതിക്കുകയോ കരാര്‍ കാലാവധി പൂര്‍ത്തിയാക്കാന്‍ തയ്യാറാകാ തിരിക്കുകയോ ചെയ്യുന്ന വീട്ടുജോലിക്കാര്‍ക്കെതിരെ തൊഴിലുടമക്ക് നഷ്ടപരിഹാരമായി ഇന്‍ഷുറ ന്‍സ് പദ്ധതി ഏര്‍പ്പെടുത്താന്‍ മാനവ വിഭവശേഷി സാമൂഹിക വികസന മന്ത്രാലയമാണ് തീരുമാ നിച്ചത്. 500 റിയാല്‍ പ്രീമിയം തുകയും തീരുമാനിച്ചിരുന്നു. രണ്ട് വര്‍ഷത്തെ പോളിസിയാണ് ലക്ഷ്യമിടുന്നത്. ഇത് നടപ്പിലാക്കുന്നതിന് സൗദി സെന്‍ട്രല്‍ ബാങ്കുമായി സഹകരിച്ച് മന്ത്രാലയം എല്ലാ നടപടിക്രമങ്ങളും പൂര്‍ത്തിയാക്കിയിട്ടുണ്ട്.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.