സ്‌നേഹം നടിച്ച് വിളിച്ച് കൊണ്ട് പോയി, യുവാവിനെ കൊലപ്പെടുത്തി വഴിയരികില്‍ തള്ളി ; കേസില്‍ നാലുപേര്‍ അറസ്റ്റില്‍

യുവാവിനെ വെട്ടിക്കൊലപ്പെടുത്തി വഴിയരികില്‍ ഉപേക്ഷിച്ച കേസില്‍ നാല് പേരെ പൊലീസ് അറസ്റ്റ് ചെയ്തു

തിരുവനന്തപുരം: യുവാവിനെ വെട്ടിക്കൊലപ്പെടുത്തി വഴിയരികില്‍ ഉപേക്ഷിച്ച കേസില്‍ നാല് പേര്‍ അറസ്റ്റില്‍. ചിറയിന്‍കീഴ് സ്വദേശികളായ ശ്രീക്കുട്ടന്‍ എന്നറിയപ്പെടുന്ന അഭിജിത്, ജിത്തു എന്നറിയപ്പെടുന്ന സിനോഷ്, സുധീഷ്, സ്‌നേഹന്‍ എന്നിവരാണ് അറസ്റ്റിലായത്. മുന്‍ വൈരാഗ്യം ആണ് കൊലപാതകത്തില്‍ കലാശിച്ചത്.

ചിറയിന്‍കീഴ് തെക്കേ അരയതുരുത്തി സ്വദേശി അജിത്തിനെ (25)യാണ് മുടപുരം ചേമ്പുംമൂല നെല്പാടങ്ങള്‍ക്ക് നടുവിലുള്ള മുക്കോണി തോടിന്റെ നടവരമ്പില്‍ തലയിലും കാലിലും ദേഹത്തും വെട്ടേറ്റ് മരിച്ച നിലയില്‍ നാട്ടുകാര്‍ കണ്ടത്. അജിത്ത് നിരവധി ക്രിമിനല്‍ കേസുകളില്‍ പ്രതി യാ ണ്. പ്രതികളും കൊല്ലപ്പെട്ട അജിത്തും പരിചയക്കാരാണ്. സ്‌നേഹം നടിച്ച് കൂട്ടിക്കൊണ്ടു പോയ ശേഷം വെട്ടിക്കൊല്ലുകയായിരുന്നെന്ന് പൊലീസ് അറിയിച്ചു.

അറസ്റ്റിലായ പ്രതി അഭിജിത്തിനെ നിരവധി തവണ അജിത് ഉപദ്രവിച്ചെന്നും തുടര്‍ന്ന് അഭിജിത് സംഘം ചേര്‍ന്നെത്തി മര്‍ദിക്കുകയായിരുന്നെന്നും അത് കൊലപാതകത്തില്‍ അവസാനിക്കുക യായിരുന്നുവെന്നുമാണ് റിപ്പോര്‍ട്ട്. കേസില്‍ ഇനിയും നാലോളം പ്രതികള്‍ കൂടി പിടിയിലാവാനു ണ്ടെന്ന് പൊലീസ് പറയുന്നു.

വ്യാഴാഴ്ച രാത്രി 9 മണിയോടെയാണ് കൊലപാതം നടന്നതെന്ന് കരുതുന്നു. അന്ന് 8 മണിയോടെ അഭിജിത്ത്, അജിത്തിനെ സ്‌നേഹം നടിച്ച് വിളിച്ച് ബൈക്കില്‍ കയറ്റി കൊല നടന്ന സ്ഥലത്തേക്ക് കൊണ്ടുവരികയായിരുന്നു. ആളൊഴിഞ്ഞ പ്രദേശത്തെത്തിയശേഷം മറ്റ് പ്രതികളുമായി കൂട്ടം ചേര്‍ന്ന് വെട്ടിയും കുത്തിയും ആക്രമിച്ചു. അജിത്ത് പുഴയില്‍ ചാടി രക്ഷപെടാന്‍ ശ്രമിച്ചെങ്കിലും പിന്നാലെയെത്തിയ സംഘം വെട്ടിക്കൊലപ്പെടുത്തി മൃതദേഹം വഴിയരികില്‍ ഉപേക്ഷിക്കുകയാ യിരുന്നു.