സ്വകാര്യ ബസ് ടിക്കറ്റ് നിരക്ക് വര്‍ധിപ്പിക്കാന്‍ തീരുമാനം;ഉടമകളുടെ ആവശ്യത്തോട് സര്‍ക്കാരിന് യോജിച്ചപ്പാണുള്ളതെന്ന് മന്ത്രി

പുതിയ ബസ് ചാര്‍ജ് എന്ന് മുതല്‍ നിലവില്‍ വരണമെന്ന് ഉടന്‍ തീരുമാനമെടുക്കുമെന്നും ഇക്കാര്യത്തില്‍ ജസ്റ്റിസ് രാമചന്ദ്രന്‍ കമ്മിഷനുമായി ആശയ വിനിമയം നടത്തുമെന്നും ഗതാഗത മന്ത്രി ആന്റണി രാജു

തിരുവനന്തപുരം:സംസ്ഥാനത്ത് സ്വകാര്യ ബസ് ടിക്കറ്റ് നിരക്ക് വര്‍ധിപ്പിക്കാന്‍ തത്ത്വത്തില്‍ തീരുമാനിച്ച തായി ഗതാഗത മന്ത്രി ആന്റണി രാജു.ബസ് ഉടമകളുടെ സംഘടനകളുമായി നടത്തിയ ചര്‍ച്ചയ്ക്കു ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി. മിനിമം നിരക്ക് എട്ട് രൂപയില്‍ നിന്ന് 12 ആക്കുക, കി ലോമീറ്റര്‍ നിരക്ക് 90 പൈ സയില്‍ നിന്ന് ഒരു രൂപ ആക്കുക, വിദ്യാര്‍ത്ഥികളുടെ നിരക്ക് ഒരു രൂപയില്‍ നി ന്ന് ആറ് രൂപയാക്കുക,കണ്‍സഷന്‍ ടിക്കറ്റ് ചാര്‍ജിന്റെ 50 ശതമാനം ആക്കുക,കോവിഡ് കഴിയുന്നതു വരെ ടാക്‌സ് ഒഴിവാക്കുക എന്നിവയാണ് സംഘടനകള്‍ മുന്നോട്ടുവച്ച ആവശ്യങ്ങള്‍.

ഇന്ധന വില വര്‍ധിച്ചതിനാല്‍ ബസ് ചാര്‍ജ് വര്‍ധിപ്പിക്കണമെന്ന ഉടമകളുടെ ആവശ്യത്തോട് സര്‍ക്കാരിന് യോജിച്ചപ്പാണുള്ളതെന്ന് മന്ത്രി പറഞ്ഞു. സര്‍ക്കാര്‍ പുതിയ നിര്‍ ദേശമൊന്നും മുന്നോട്ടു വച്ചില്ല. ജനത്തി ന് അമിത ഭാരം ഈടാക്കാതെ എങ്ങനെ നിരക്കു വര്‍ധന നടപ്പിലാക്കാമെന്നാണ് ആലോചിക്കുന്നതെന്നു മന്ത്രി പറഞ്ഞു. പുതിയ ബസ് ചാര്‍ജ് എന്ന് മുതല്‍ നിലവില്‍ വരണമെന്ന് ഉടന്‍ തീരുമാനമെടുക്കും. ഇ ക്കാര്യത്തില്‍ ജസ്റ്റിസ് രാമചന്ദ്രന്‍ കമ്മിഷനുമായി ആശയ വിനിമയം നടത്തും.

ചാര്‍ജ് വര്‍ധിപ്പിക്കുമ്പോള്‍, ഓരോ ഫെയര്‍ സ്റ്റേജിലെയും നിരക്കു സംബന്ധിച്ച് കഴിഞ്ഞ ഉത്തരവിലുണ്ടാ യിരുന്ന അപാകത മാറ്റും.മുഖ്യമന്ത്രിയുമായി ചര്‍ച്ച നടത്തിയ ശേ ഷം വൈകാതെ തീരുമാനം എടുക്കുമെ ന്നും മന്ത്രി പറഞ്ഞു. സംഘടനകളുടെ എല്ലാ ആവശ്യവും അംഗീകരിക്കാന്‍ കഴിയില്ലെന്നാണ് സര്‍ക്കാര്‍ നിലപാട്.