English हिंदी

Blog

covid india

Web Desk

ആശങ്ക വര്‍ധിപ്പിച്ച്‌ രാജ്യത്ത് കോവിഡ് വ്യാപനം ഉയരുന്നു. കോവിഡ് ബാധിച്ച്‌ മരിച്ചവരുടെ എണ്ണത്തില്‍ വന്‍ വര്‍ധന. 24 മണിക്കൂറിനിടെ 357 പേരാണ് കൊറോണ ബാധിച്ച്‌ മരിച്ചത്. ഇതോടെ കോവിഡ് മരണം രാജ്യത്ത് 8000 കടന്നു. മരണം 8102 ആയി.

Also read:  കോവിഡ്; യു.എ.ഇയില്‍ കഴിഞ്ഞ 100 ദിവസത്തെ ഏറ്റവും ഉയര്‍ന്ന നിരക്ക്

കഴിഞ്ഞ ചൊവ്വാഴ്ചയാണ് മരണം ആദ്യമായി 300 കടക്കുന്നത്. കഴിഞ്ഞ ഒരു ദിവസത്തിനിടെ കോവിഡ് ബാധിച്ചവരുടെ എണ്ണം 9996 ആയി. ഇതോടെ ആകെ കോവിഡ് ബാധിതര്‍ 2,86,579 ആയി ഉയര്‍ന്നു. 1,41,029 പേര്‍ രോഗമുക്തരായതായി കേന്ദ്ര ആരോഗ്യമന്ത്രാലയം അറിയിച്ചു.

Also read:  സെന്‍സെക്‌സ്‌ 341 പോയിന്റ്‌ ഉയര്‍ന്നു

കഴിഞ്ഞ 24 മണിക്കൂറിനിടെ 1,51,808 സാംപിളുകള്‍ ടെസ്റ്റ് ചെയ്തതായി ഐസിഎംആര്‍ അറിയിച്ചു. ഇതോടെ ആകെ പരിശോധനയ്ക്ക് വിധേയമാക്കിയ സ്രവസാംപിളുകളുടെ എണ്ണം 52,13,140 ആയതായി ഐസിഎംആര്‍ വ്യക്തമാക്കി.