സേവന കാലാവധി പൂർത്തിയാക്കി ഒമാനിലെ ഇന്ത്യൻ അംബാസഡർ അമിത് നാരങ് മടങ്ങുന്നു

മസ്കത്ത് : ഒമാനിലെ സേവന കാലാവധി പൂർത്തിയാക്കി ഇന്ത്യൻ അംബാസഡർ അമിത് നാരങ് മടങ്ങുന്നു. സ്ലോവേനിയയിലെ അടുത്ത ഇന്ത്യൻ അംബാസഡറായി അദ്ദേഹ​ത്തെ നിയമിച്ചു. ഇന്ത്യൻ വിദേശകാര്യ മന്ത്രാലയം കഴിഞ്ഞ ദിവസമാണ് ഇത് സംബന്ധിച്ച ഉത്തരവിറക്കിയത്. ഉടൻതന്നെ അദ്ദേഹം പുതിയ ചുമതല ഏറ്റെടുക്കും. 2021 ഒക്ടോബർ 24നാണ് ഒമാനിലെ ഇന്ത്യൻ അംബാസഡറായി ചുമതലയേൽക്കുന്നത്. സേവന കാലയളവിൽ ഒമാനിലെ ഇന്ത്യൻ സമൂഹത്തിന്റെ​​ ക്ഷേമ പ്രവർത്തനങ്ങൾക്കും ഒമാനും ഇന്ത്യയും തമ്മിലുള്ള ബന്ധങ്ങൾ ഊട്ടിയുറപ്പിക്കുന്നതിനും അദ്ദേഹം പ്രത്യേക ശ്രദ്ധ പതിച്ചിരുന്നു.
​ഇ​ന്ത്യ​ൻ ഫോ​റി​ൻ സ​ർ​വി​സി​ൽ ചേ​ർ​ന്ന അമിത് നാ​രങ്​ പ​ബ്ലി​സി​റ്റി ഡി​വി​ഷ​നി​ലൂ​ടെ​യാ​ണ്​​ വി​ദേ​ശ​കാ​ര്യ മ​​​​​​ന്ത്രാ​ല​യ​ത്തി​ൽ ക​രി​യ​ർ​ തു​ട​ങ്ങു​ന്ന​ത്. 2003ൽ ​ബെ​യ്ജി​ങ്ങി​ലെ ഇ​ന്ത്യ​ൻ എം​ബ​സി​യി​ൽ നി​യ​മി​ത​നാ​യി. സാ​മ്പ​ത്തി​ക, വാ​ണി​ജ്യ വി​ഭാ​ഗ​ത്തി​ലാ​ണ്​ പ്ര​വ​ർ​ത്തി​ച്ച​ത്. 2007-2010 വ​രെ താ​യ്‌​പേ​യി​ലെ ഇ​ന്ത്യ-​താ​യ്‌​പേ​യ് അ​സോ​സി​യേ​ഷ​ൻ ഡെ​പ്യൂ​ട്ടി ഡ​യ​റ​ക്ട​ർ ജ​ന​റ​ലാ​യും പ്ര​വ​ർ​ത്തി​ച്ചി​ട്ടു​ണ്ട്. നല്ലൊരു പക്ഷി നിരീക്ഷൻ കൂടിയാണ്​. wingedenvoys.wixsite.com എന്ന ​ബ്ലോഗിലൂടെ പക്ഷികളുടെ ഫോട്ടോകളും നിരീക്ഷണ വിവരങ്ങളും പങ്ക്​വെക്കാറുണ്ട്​. ദി​വ്യ നാ​രങ്ങാ​ണ്​ ഭാ​ര്യ. മെഹർ, കബീർ എന്നിവർ മക്കളാണ്.