സുപ്രീം കോടതി ചീഫ് ജസ്റ്റിസായി ജസ്റ്റിസ് യു യു ലളിത് ചുമതലയേറ്റു

സുപ്രീം കോടതി ചീഫ് ജസ്റ്റിസായി ജസ്റ്റിസ് യു യു ലളിത് എന്ന ഉദയ് ഉമേഷ് ലളിത് സത്യപ്രതിജ്ഞ ചൊല്ലി സ്ഥാനമേറ്റു. രാഷ്ട്രപതി ഭവനിലെ ചടങ്ങില്‍ രാഷ്ട്രപതി ദ്രൗപദി മുര്‍മു പ്രതിജ്ഞാവാചകം ചൊല്ലിക്കൊടുത്തു

ന്യൂഡല്‍ഹി: സുപ്രീം കോടതി ചീഫ് ജസ്റ്റിസായി ജസ്റ്റിസ് യു യു ലളിത് എന്ന ഉദയ് ഉമേഷ് ലളിത് സ ത്യപ്രതിജ്ഞ ചൊല്ലി സ്ഥാനമേറ്റു. രാഷ്ട്രപതി ഭവനിലെ ചടങ്ങില്‍ രാഷ്ട്രപതി ദ്രൗപദി മുര്‍മു പ്രതി ജ്ഞാവാചകം ചൊല്ലിക്കൊടുത്തു.സുപ്രീം കോടതിയുടെ 49ാം ചീഫ് ജസ്റ്റിസായാണ് അദ്ദേഹം അ വരോധിതനായത്

ചീഫ് ജസ്റ്റിസ് പദവിയില്‍ 74 ദിവസത്തെ സേവന കാലാവധിയാണ് അദ്ദേഹത്തിനുള്ളത്. നവംബര്‍ എട്ടിന് വിരമിക്കും.ജസ്റ്റിസ് എന്‍ വി രമണ കാലാവധി തീര്‍ന്ന് പടിയിറങ്ങിയതിനെ തുടര്‍ന്നാണ് യു യു ലളിത് നാമനിര്‍ദ്ദേശം ചെയ്യപ്പെട്ടത്.

രാജ്യത്തെ പ്രമുഖ ക്രിമിനല്‍ അഭിഭാഷകനായിരിക്കെ, 2014 ആഗസ്റ്റിലാണ് ജസ്റ്റിസ് ലളിതിനെ സു പ്രീം കോടതി ജഡ്ജിയായി നിയമിച്ചത്. അഭിഭാഷകര്‍ക്കിടയില്‍ നിന്ന് സു പ്രീം കോടതി ജഡ്ജിയാ യി നിയമിക്കപ്പെട്ട ശേഷം ചീഫ് ജസ്റ്റിസായി ഉയര്‍ത്തപ്പെടുന്ന രണ്ടാമത്തെയാളാണ് ജസ്റ്റിസ് യു യു ലളിത്. വധശിക്ഷ ഇളവ് ചെയ്യുന്ന വിഷയ ത്തില്‍ കൃത്യമായ മാര്‍ഗനിര്‍ദേശങ്ങള്‍ പുറപ്പെടുവിക്കാ നുള്ള ജസ്റ്റിസ് ലളിതിന്റെ ഉത്തരവ് രാജ്യശ്രദ്ധ നേടിയിരുന്നു. 2019ല്‍ അയോധ്യാ കേസ് പരിഗണിച്ചി രുന്ന ബഞ്ചില്‍ നിന്നുള്ള അദ്ദേഹത്തിന്റെ പിന്മാറ്റവും ചര്‍ച്ചയായി.

1980ലാണ് ലളിത് മഹാരാഷ്ട്രയില്‍ നിന്ന് അഭിഭാഷകനായ ശേഷം ഡല്‍ഹിയിലെത്തി സേവനം ആ രംഭിച്ചത്. 2ജി സ്‌പെക്ട്രം കേസ്സിലൂടെയാണ് ലളിത് ദേശീയ ശ്രദ്ധയില്‍ എത്തുന്നത്. സുപ്രീംകോടതി നിയമിച്ച സ്പെഷ്യല്‍ പ്രോസിക്യൂട്ടറായിരുന്നു.

102 വര്‍ഷത്തോളം അഭിഭാഷക പാരമ്പര്യമുള്ള കുടുംബത്തില്‍ നിന്നാണ് ലളിതിന്റെ പരമോന്നത നീതിപീഠത്തിലേയ്ക്കുള്ള പ്രയാണം. അച്ഛന്‍ ഉമേഷ് രംഗനാഥ് ലളിത് മ ഹാരാഷ്ട്ര ഹൈക്കോടതിയില്‍ ജഡ്ജിയായിരുന്നു. മുത്തച്ഛന്‍ രംഗനാഥ് ലളിത് സോലാപൂരിലെ പ്രശസ്തനായ അഭിഭാഷക നായിരു ന്നു. നോയിഡയില്‍ വിദ്യാലയം നട ത്തുന്ന അമിത ലളിതാണ് ഭാര്യ. മക്കളായ ഹര്‍ഷദും ശ്രീയേഷും എന്‍ജിനീയറിങ് ബിരുദധാരികളാണ്. ശ്രീയേഷ് പിന്നീട് അഭിഭാഷക വൃത്തിയിലേക്ക് തിരിഞ്ഞു. ശ്രീയേഷിന്റെ ഭാര്യ രവീണയും അഭിഭാഷകയാണ്. ഗവേഷകനായ ഹര്‍ഷദ് ഭാര്യ രാധികക്കൊപ്പം അമേരിക്കയിലാണ്.