സംസ്ഥാനത്ത് ഭരണഘടന തകര്‍ച്ച; പൊതു സംവാദത്തിന് മുഖ്യമന്ത്രി വരട്ടെ: ഗവര്‍ണര്‍

കേരളത്തില്‍ ഭരണഘടന തകര്‍ച്ചയിലാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍. രാജ്ഭവന്‍ മാര്‍ച്ച് വരട്ടെയെന്നും തന്നെ റോഡില്‍ ആക്രമിക്കട്ടെ എന്നും ഇടതുമുന്നണി നടത്താനിരിക്കുന്ന രാജ്ഭവന്‍ മാര്‍ച്ചിനോട് അദ്ദേഹം പ്രതികരിച്ചു

തിരുവനന്തപുരം : കേരളത്തില്‍ ഭരണഘടന തകര്‍ച്ചയിലാണെന്ന് ഗവര്‍ണര്‍ ആരിഫ് മുഹമ്മദ് ഖാ ന്‍. രാജ്ഭവന്‍ മാര്‍ച്ച് വരട്ടെയെന്നും തന്നെ റോഡില്‍ ആക്രമിക്കട്ടെ എ ന്നും ഇടതുമുന്നണി നടത്താ നിരിക്കുന്ന രാജ്ഭവന്‍ മാര്‍ച്ചിനോട് അദ്ദേഹം പ്രതികരിച്ചു. തിരുവനന്തപുരം മേയറുടെ കത്ത് അട ക്കമുള്ള വിഷയങ്ങള്‍ സര്‍ക്കാര്‍ വിശദീകരി ക്കണം. മേയര്‍ എഴുതിയത് പോലെ നിരവധി കത്തുക ള്‍ ഇനിയുമുണ്ടെന്ന് ഗവര്‍ണര്‍ പറഞ്ഞു. കേരള സര്‍ക്കാരിന് കീഴിലുള്ള എല്ലാ ജോലികളും സിപി എം കേഡറുകള്‍ ക്ക് മാറ്റി വച്ചിരിക്കുകയാണ്.

താന്‍ അഡ്മിനിസ്ട്രേഷനില്‍ ഇടുപെടുന്നുവെന്നാണ് സര്‍ക്കാര്‍ ആരോപിക്കുന്നത്, എന്നാല്‍ അതി നുള്ള ഒരു തെളിവ് കൊണ്ടുവന്നാല്‍ താന്‍ രാജിവെക്കാം. എന്നാല്‍ സര്‍ ക്കാരിലെ ചിലര്‍ രാജ്ഭവനെ നിയന്ത്രിക്കാന്‍ ശ്രമിക്കുകയാണ്. താന്‍ നിയമിച്ചവര്‍ക്ക് തന്നെ വിമര്‍ശിക്കാന്‍ അധികാരമില്ലെന്നും ഗവര്‍ണര്‍ പറഞ്ഞു. സിപിഎം ധര്‍ണ്ണ നടത്തുമെന്നാണ് പറയുന്നത്. അവര്‍ അത് 15 ലേക്ക് മാറ്റിവെ ക്കേണ്ട. താന്‍ രാജ് ഭവനിലുള്ളപ്പോള്‍ തന്നെ നടത്തട്ടേ. ധര്‍ണ്ണ നടത്തുന്നിടത്തേക്ക് താനും വരാം. ഒരു പൊതു സംവാദത്തിന് താന്‍ തയ്യാറാണെന്നും മുഖ്യമന്ത്രി വരട്ടെ എന്നും ഗവര്‍ണര്‍ പറഞ്ഞു. താന്‍ എന്തെങ്കിലും നിയമം തെറ്റിച്ചെങ്കില്‍ രാഷ്ട്രപതിയെ സമീപിക്കാമെന്നും ഗവര്‍ണര്‍ പറഞ്ഞു.