‘ഷാഹിദ കമാലിന്റെ ഡിഗ്രിയും ഡോക്ടറേറ്റും വ്യാജം’ ; ലോകായുക്തയില്‍ ഹര്‍ജി, ഷാഹിദക്കും സാമൂഹിക നീതി വകുപ്പിന് നോട്ടീസ്

സംസ്ഥാന വനിതാ കമ്മീഷന്‍ അംഗം ഷാഹിദാ കമാലിന്റെ വിദ്യാഭ്യാസ യോഗ്യത സംബന്ധിച്ച ഹര്‍ജി ലോകായുക്ത ഫയലില്‍ സ്വീകരിച്ചു. ഷാഹിദ കമാലിനും സാമൂഹ്യ നീതി വകുപ്പിനും ലോകായുക്ത നോട്ടീസ്

തിരുവനന്തപുരം: സംസ്ഥാന വനിതാ കമ്മീഷന്‍ അംഗം ഷാഹിദ കമാലിന്റെ വിദ്യാഭ്യാസ യോഗ്യത വ്യാജമാണെന്ന് പരാതി ലോകായുക്ത ഫയ ലില്‍ സ്വീകരിച്ചു. വ്യാജ വിദ്യാഭ്യാസ യോഗ്യത ഹാജരാ ക്കിയെന്ന പരാതിയില്‍ ഷാഹിദ കമാലിനും സാമൂഹിക നീതി വകുപ്പിനും ലോകായുക്ത നോട്ടീസ് നല്‍കി.

ഷാഹിദ കമാലിന്റെ സര്‍വകലാശാല ബിരുദവും ഡോക്ടറേറ്റും വ്യാജമാണെന്നാണ് ആരോപണം. തെരഞ്ഞെടുപ്പില്‍ മത്സരിക്കാനും വനിതാ കമ്മീ ഷന്‍ അംഗമാകാനാനും വ്യാജ വിദ്യാഭ്യാസ യോഗ്യ തകള്‍ ഹാജരാക്കിയെന്നാണ് ഷാഹിദയ്‌ക്കെതിരായ പരാ തി. ഡിഗ്രി വിദ്യാഭ്യാസ യോഗ്യത പോലുമി ല്ലാത്ത ഷാഹിദ കമാല്‍ തനിക്ക് ഡോക്ടറേറ്റുണ്ടെന്ന് നവമാധ്യമങ്ങളില്‍ പ്രചരിപ്പിച്ച് ജനങ്ങളെ തെറ്റി ദ്ധരിപ്പിച്ചതായും പരാതിക്കാരി പറയുന്നു. വട്ടപ്പാറ സ്വദേശി അഖിലാ ഖാന്‍ നല്‍കിയ ഹര്‍ജിയിലാ ണ് ലോകായുക്ത തുടര്‍ നടപടികളിലേക്ക് നീങ്ങുന്നത്. ഒക്ടോബര്‍ അഞ്ചിന് കേസ് വീണ്ടും ലോകാ യുക്ത പരിഗണിക്കും.

ഇക്കാര്യം ചൂണ്ടിക്കാട്ടി നേരത്തെ പൊലീസിനെയും സര്‍ക്കാരിനെയും സമീപിച്ചിരുന്നു. എന്നാല്‍ നടപടി ഉണ്ടാകാത്ത സാഹചര്യത്തിലാണ് ലോകായുക്തയെ സമീപിക്കുന്നതെന്നും ഹര്‍ജിയില്‍ പരാതിക്കാരി പറയുന്നു. ഷാഹിദ കമാലിന് സര്‍വകലാശാലാ ബിരുദവും ഡോക്ടറേറ്റും ഇല്ലെന്ന് ചാനല്‍ ചര്‍ച്ചയ്ക്കിടെ ഒരു വനിതയാണ് ആരോപണമുന്നയിച്ചത്. ഇതു സംബന്ധിച്ച് വിവരാവകാശ നിയമപ്രകാരം സര്‍വകലാശാലയില്‍ നിന്നു രേഖ ലഭിച്ചിട്ടുണ്ടെന്നും എന്നാല്‍ കമ്മിഷന്‍ വെബ്സൈറ്റില്‍ ഡോ.ഷാഹിദ കമാല്‍ എന്നാണ് കാണുന്നതെന്നും പരാതിക്കാരി പറഞ്ഞു.