ഒരു സ്ത്രീക്ക് വിവാഹേതര ബന്ധമുണ്ടെന്ന് കരുതി മോശം അമ്മയെന്ന് നിഗമനത്തില് എത്താന് കഴിയില്ലെന്ന് പഞ്ചാബ് – ഹരിയാന ഹൈക്കോടതിയുടെ സുപ്രധാന വിധി. ഇക്കാര്യം വ്യക്തമാക്കിയ കോടതി നാലര വയസുള്ള മകളുടെ സംരക്ഷണാവകാശം യുവതിക്ക് കൈമാറി
ചണ്ഡിഗഢ്: ഒരു സ്ത്രീക്ക് വിവാഹേതര ബന്ധമുണ്ടെന്ന് കരുതി അവര് മോശം അമ്മയാണെന്ന് നിഗമനത്തില് എത്താന് കഴിയില്ലെന്ന് വിധിച്ച് പഞ്ചാബ് – ഹരിയാന ഹൈക്കോടതി. കുട്ടിയുടെ സംരക്ഷണം അമ്മയെ ഏല്പ്പിക്കുന്നതിന് ഇത്തരം വാദങ്ങള് തടസ്സമല്ലെന്നും ഹൈക്കോടതി വ്യക്തമാക്കി. നാലര വയസുള്ള മകളുടെ സംരക്ഷണാവകാശം കോടതി യുവതിക്ക് കൈമാറി.
ഫത്തേഗഢ് സാഹിബ് സ്വദേശിയായ യുവതി സമര്പ്പിച്ച ഹേബിയസ് കോര്പ്പസ് ഹര്ജി അനുവ ദിച്ചുകൊണ്ടാണ് ജസ്റ്റിസ് അനുപിന്ദര് സിങ് ഗരേവാളിന്റെ നിരീക്ഷണം. ദാമ്പത്യ ബന്ധത്തിലെ തര്ക്കത്തെ തുടര്ന്ന് ഭര്ത്താവ് മകളെ നിര്ബന്ധിച്ച് കൂട്ടിക്കൊണ്ടുപോയതോടെ യുവതി ഹേബിയ സ് കോര്പ്പസ് ഹര്ജി സമര്പ്പിക്കുകയായിരുന്നു.
പുരുഷാധിപത്യ സമൂഹത്തില് സ്ത്രീയുടെ ധാര്മിക സ്വഭാവത്തെക്കുറിച്ച് ആക്ഷേപം ഉന്നയിക്കുന്ന ത് വളരെ സാധാരണമാണ്. മിക്കപ്പോഴും ഈ ആരോപണങ്ങള് അടിസ്ഥാനം ഇല്ലാതെ ഉന്നയിക്ക പ്പെടുന്നു. ഒരു സ്ത്രീ വിവാഹേതര ബന്ധത്തിലാണെന്നോ, അങ്ങനെ അനുമാനിച്ചിട്ടുണ്ടെന്നോ പോലും, കുട്ടിയുടെ സംരക്ഷണാവകാശം നിഷേധിക്കാന് കാരണമാകുന്നില്ലെന്ന് കോടതി ചൂണ്ടി ക്കാട്ടി.
ഓസ്ട്രേലിയയിലുള്ള മുന് ഭര്ത്താവിന്റെ കൂടെയുള്ള മകളെ വിട്ടുകിട്ടണമെന്ന് ആവശ്യപ്പെട്ടാണ് യുവതി ഹേബിയസ് കോര്പ്പസ് ഹര്ജി നല്കി യത്. ഇതിനെ എതിര്ത്ത മുന് ഭര്ത്താവ് യുവതി ക്കു ബന്ധുവുമായി വിവാഹേതര ബന്ധമുണ്ടെന്ന് ആരോപിച്ചു. ഇതു തള്ളിയ കോടതി കുട്ടിയെ വിട്ടുകൊടുക്കാന് നിര്ദേശിക്കുകയായിരുന്നു.
സ്ത്രീകളുടെ സ്വഭാവ മഹിമയുടെ നേരെ ഇത്തരം ആക്ഷേപങ്ങള് പാട്രിയാര്ക്കല് സമൂഹത്തില് പതിവാണ്. സ്ത്രീക്ക് ഇത്തരം ഒരു ബന്ധം ഉണ്ടെങ്കില് തന്നെ അവര് നല്ല അമ്മയാവില്ല എന്ന നിഗമന ത്തില് എത്താനാവില്ല. അതുകൊണ്ട് ഇത്തരമൊരു കേസില് യുവതിയുടെ മറ്റു ബന്ധങ്ങള് പരി ശോധിക്കേണ്ട കാര്യം തന്നെയില്ലെന്ന് കോടതി പറഞ്ഞു.
കുട്ടിക്കാലത്ത് മകള്ക്ക് അമ്മയുടെ സ്നേഹവും കരുതലും ആവശ്യമാണെന്നും കോടതി ചൂണ്ടി ക്കാട്ടി. കൗമാരപ്രായത്തില് അമ്മയുടെ പിന്തു ണയും മാര്ഗ നിര്ദേശവും അത്യന്താപേക്ഷിതമാണ്. 1956 ലെ ഹിന്ദു ന്യൂനപക്ഷ, രക്ഷാകര്തൃ നിയമത്തിലെ സെക്ഷന് 6 അനുസരിച്ച് അഞ്ച് വയസ് വരെ കുട്ടിയുടെ സ്വാഭാവിക രക്ഷാധികാരിയാണ് അമ്മയാണെന്നും കോടതി ജഡ്ജി ഉത്തരവില് വ്യക്തമാക്കി.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.