വാഹന ഉടമസ്ഥാവകാശ രേഖ ഉടൻ ഓൺലൈനാക്കുമെന്ന് മേജർ ജനറൽ അൽ സയേ​ഗ്.

വാഹന ഉടമസ്ഥാവകാശ രേഖ ഉടൻ ഓൺലൈനാക്കുമെന്ന് മേജർ ജനറൽ അൽ സയേ​ഗ്.

കുവൈത്ത് : വാഹന ഉടമസ്ഥാവകാശ രേഖ ഉടൻ ഓൺലൈനാക്കുമെന്ന് ആഭ്യന്തര മന്ത്രാലയത്തിലെ ട്രാഫിക്ക് ആൻഡ് ഓപ്പറേഷൻസ് വിഭാ​ഗം അസിസ്റ്റന്റ് അണ്ടർ സെക്രട്ടറി മേജർ ജനറൽ ജമാൽ അൽ സയേ​ഗ് അറിയിച്ചു.

ജനറൽ ഡിപ്പാർട്ട്മെന്റ് ഓഫ് ഇൻഫർമേഷൻ സിസ്റ്റംസുമായുള്ള ഏകോപനത്തോടെയും സഹകരണത്തോടെയുമാണ് ഇക്കാര്യം നടപ്പിലാക്കുന്നത്. ഒപ്പം വാണിജ്യ മന്ത്രാലയവുമായും ഇൻഷുറൻസ് കമ്പനികളുമായും ലിങ്ക് ചെയ്യുമെന്നും അൽ സയേ​ഗ് വ്യക്തമാക്കി.

വാഹന ഉടമയക്ക് പ്രധാന സ്‌ക്രീനിൽ പ്രവേശിച്ച് ഇൻഷുറൻസ് കമ്പനിയെയും ഡോക്യുമെന്റ് ഇഷ്യൂ ചെയ്യുന്നതിനുള്ള രേഖയുടെ തരത്തെയും തിരഞ്ഞെടുക്കാൻ അനുവദിക്കുന്നതാണ് നടപടിക്രമം. വാഹനം സാങ്കേതിക പരിശോധന നടത്തേണ്ട ആവശ്യകതയില്ലെങ്കിൽ എത്രയും വേ​ഗം തന്നെ ഓണർഷിപ്പ് ബുക്ക് നൽകും.

എന്നാൽ, പരിശോധന ആവശ്യമാണെങ്കിൽ ഉടമയെ ഇക്കാര്യം ഓൺലൈൻ ആയി തന്നെ അറിയിക്കും. പരിശോധന കഴിഞ്ഞാൽ ഫീസ് ഈടാക്കി ഉടൻ ലൈസൻസ് നൽകുമെന്നും അദ്ദേഹം കൂട്ടിച്ചേർത്തു.