വന്ദേഭാരത് ടിക്കറ്റ് ബുക്കിങ് തുടങ്ങി ; ടിക്കറ്റ് നിരക്ക് ചെയര്‍കാര്‍ 1590 രൂപ, എക്‌സിക്യൂട്ടീവ് ക്ലാസ് 2,880 രൂപ

തിരുവനന്തപുരത്ത് നിന്ന് കാസര്‍കോട് വരെ ചെയര്‍ കാറിന് 1590 രൂപയാണ് ടിക്കറ്റ് നിരക്ക്. എക്‌സിക്യുട്ടീവ് കോച്ചിന് കാസര്‍കോട്ടേക്ക് 2880 രൂപ. ചെയര്‍കാറില്‍ 914 സീ റ്റും എക്‌സിക്യൂട്ടീവ് ചെയര്‍ കാറില്‍ 86 സീറ്റുകളുമാണ് ഉള്ളത്

തിരുവനന്തപുരം: വന്ദേഭാരത് ട്രെയിന്‍ ബുക്കിങ് ആരംഭിച്ചു. മൊബൈല്‍ ആപ്പ്, കൗണ്ടറുകള്‍ എന്നിവ വഴി ബുക്കിങ് നടത്താന്‍ സൗകര്യമുണ്ട്. തിരുവനന്തപുരത്ത് നിന്ന് കാസര്‍കോട് വരെ ചെയര്‍ കാറിന് 1590 രൂപയാണ് ടിക്കറ്റ് നിരക്ക്. എക്‌സിക്യുട്ടീവ് കോച്ചിന് കാസര്‍കോട്ടേക്ക് 2880 രൂപ. ചെയര്‍കാറില്‍ 914 സീറ്റും എക്‌സിക്യൂട്ടീവ് ചെയര്‍ കാറില്‍ 86 സീറ്റുകളുമാണ് ഉള്ളത്.

രാവിലെ 5.20ന് തിരുവനന്തപുരം സെന്‍ട്രലില്‍ നിന്ന് പുറപ്പെടുന്ന ട്രെയിന്‍ കൊല്ലം, കോട്ടയം, എറണാ കുളം, തൃശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍ വഴി ഉച്ചക്ക് 1.25ന് കാസര്‍കോട്ടെത്തും. രണ്ട് മിനുട്ട് മാ ത്രമായിരിക്കും ഒരു സ്റ്റേഷനില്‍ തങ്ങുക. മടക്ക ട്രെയിന്‍ ഉച്ചയ്ക്ക് 2.30 ന് പുറപ്പെട്ട് രാത്രി 10. 35ന് തിരുവന ന്തപുരത്ത് എത്തും. എട്ട് മണിക്കൂര്‍ 5 മിനിറ്റ് ആണ് റണ്ണിങ് ടൈം. വിവിധ കോണുകളില്‍ നിന്ന് ഉയര്‍ന്ന ആവശ്യത്തെ തുടര്‍ന്ന് ഷൊര്‍ണൂരില്‍ വന്ദേഭാരതിന് സ്റ്റോപ്പ് അനുവദിച്ചു. വ്യാഴാഴ്ച സര്‍വീസ് ഉണ്ടാവില്ല.

ഏപ്രില്‍ 25ന് രാവിലെ പത്തരക്ക് പ്രധാന മന്ത്രി നരേന്ദ്ര മോദി തിരുവനന്തപുരം സെന്‍ട്രല്‍ റെയില്‍വേ സ്റ്റേഷനില്‍ വന്ദേഭാരത് ട്രെയിന്‍ ഔദ്യോഗികമായി ഫ്ളാഗ് ഓഫ് ചെയ്യും.

നിരക്കുകള്‍ (ചെയര്‍കാര്‍,എക്‌സിക്യൂട്ടീവ് ചെയര്‍)
കൊല്ലം                                                                          435, 820
കോട്ടയം                                                                      555, 1,075
എറണാകുളം നോര്‍ത്ത്                                  765, 1,420
തൃശൂര്‍                                                                        880, 1,650
ഷൊര്‍ണൂര്‍                                                            950, 1,775
കോഴിക്കോട്                                                          1,090, 2,060
കണ്ണൂര്‍                                                                     1,260, 2,415
കാസര്‍കോട്                                                        1,590, 2,880