റോഡ് നിര്‍മാണത്തില്‍ ക്രമക്കേട് ; സുധാകരന്‍ മന്ത്രിയായിരിക്കെ അന്വേഷണം തുടങ്ങിയെന്ന് മന്ത്രി, വിവാദം തന്നെ ബാധിക്കുന്നതല്ലെന്ന് സുധാകരന്‍

ദേശീയ പാതാ നിര്‍മ്മാണത്തില്‍ വിജിലന്‍സ് അന്വേഷണം ആവശ്യപ്പെട്ട് എ എം ആരിഫ് എംപി കത്ത് നല്‍കിയ സംഭവത്തോട് പ്രതികരിക്കുകയായിരുന്നു മന്ത്രി മുഹമ്മദ് റിയാസ്

ആലപ്പുഴ : ആലപ്പുഴയിലെ ദേശീയപാത പുനര്‍ നിര്‍മ്മാണത്തില്‍ അന്വേഷണം ജി സുധാകരന്‍ മന്ത്രിയായിരുന്നപ്പോഴെ തുടങ്ങിയിരുന്നുവെന്ന് പൊതുമരാമത്ത് മന്ത്രി മുഹമ്മദ് റിയാസ്. ദേശീയ പാതാ നിര്‍മ്മാണത്തില്‍ വിജിലന്‍സ് അന്വേഷണം ആവശ്യപ്പെട്ട് എ എം ആരിഫ് എംപി കത്ത് നല്‍കിയ സംഭവത്തോട് പ്രതികരിക്കുകയായിരുന്നു മന്ത്രി മുഹമ്മദ് റിയാസ്.

ദേശീയ പാതയിലെ കുഴികള്‍ നേരത്തെ ശ്രദ്ധയില്‍പ്പെട്ടതാണ്. സുധാകരന്‍ മന്ത്രിയായ കാലത്തേ പരിശോധനയും അന്വേഷണവും തുടങ്ങിയ താണ്. ഇക്കാര്യം കാണിച്ച് ചില നിര്‍ദേശങ്ങള്‍ വച്ച് കേന്ദ്രത്തിന് കത്ത് നല്‍കിയെന്നും മന്ത്രി പറഞ്ഞു. കരാറുകാരന്റെ ഭാഗത്ത് വീഴ്ചയുണ്ടായിട്ടുണ്ടെ ങ്കില്‍ അതും പരിശോധിക്കും. ജി സുധാകരന്‍ നല്ല രീതിയിലാണ് കാര്യങ്ങള്‍ നടത്തിയതെന്നും അ തിന്റെ തുടര്‍ച്ചയാണ് മുഹമ്മദ് റിയാസി നും ഉള്ളതെന്നും മന്ത്രി പറഞ്ഞു.

അതേസമയം ദേശീയപാത നവീകരണവുമായി ബന്ധപ്പെട്ട് എഎം ആരിഫ് എം പി പറഞ്ഞിട്ടുള്ള കാര്യങ്ങള്‍ തന്നെ നേരിട്ട് ബാധിക്കുന്നതല്ലെന്ന് മുന്‍ പൊതുമരാമത്ത് മന്ത്രി ജി സുധാകരന്‍ പ്രതി കരിച്ചു. കരാറുകാരനെതിരെ അന്വേഷണം നടക്കട്ടെ. താന്‍ മന്ത്രിയായിരുന്ന കാലത്താണ് റോഡു പണി നടന്നത് എന്നതിന് എന്ത് പ്രസക്തിയാണുള്ളതെന്നും ജി സുധാകരന്‍ ചോദിച്ചു.