യുഎഇയിൽ സ്പോൺസർ ഇല്ലാതെ ജോലി ചെയ്യാം; 3,500 ഡോളർ വരുമാനം നിർബന്ധം – റിമോട്ട് വർക്ക് വീസയ്ക്ക് അനുമതി

അബുദാബി: ഇനി യുഎഇയിൽ താമസിച്ചു ലോകത്തെ ഏതെങ്കിലും കമ്പനിയിൽ വിദൂരമായി ജോലി ചെയ്യാൻ വഴിയൊരുങ്ങി. റിമോട്ട് വർക്ക് വീസയുടെ ഭാഗമായി, ആൾക്കൂട്ടം കുറഞ്ഞ് പ്രവർത്തിക്കുന്ന ചെറിയ സ്ഥാപനങ്ങൾക്കും വിദഗ്ധർക്കും ഇത് വലിയ സഹായമാകുമെന്ന് പ്രതീക്ഷിക്കുന്നു.

ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്, കസ്റ്റംസ് ആൻഡ് പോർട്ട് സെക്യൂരിറ്റി (ICP) അറിയിച്ചതുപ്രകാരം, റിമോട്ട് വർക്ക് വീസയ്ക്ക് അപേക്ഷിക്കാൻ കുറഞ്ഞത് 3,500 യുഎസ് ഡോളർ പ്രതിമാസ വരുമാനം അനിവാര്യമാണ്.

പ്രധാന സവിശേഷതകൾ:

• പ്രാദേശിക സ്പോൺസർ ആവശ്യമില്ല
• ഒരു വർഷ കാലാവധിയുള്ള വിസ, പുതുക്കാവുന്നതാണ്
• യുഎഇയിൽ താമസിച്ചു വിദേശ കമ്പനിയിൽ ജോലി ചെയ്യാം

ആവശ്യമായ രേഖകൾ:

• യുഎഇയ്ക്ക് പുറത്തുള്ള കമ്പനിയുമായി ബന്ധപ്പെട്ട വിദൂര ജോലിയുടെ ഔദ്യോഗിക തെളിവ്
• കുറഞ്ഞത് 3,500 ഡോളറിന്റെ വരുമാന തെളിവ്
• കുറഞ്ഞത് 6 മാസത്തെ കാലാവധിയുള്ള പാസ്പോർട്ട്
• പാസ്പോർട്ട് സൈസ് കളർ ഫോട്ടോ
• യുഎഇയിൽ ഉപയോഗിക്കാവുന്ന മെഡിക്കൽ ഇൻഷുറൻസ്

അപേക്ഷ ഏങ്ങനെ നൽകാം:

• ICP വെബ്സൈറ്റ് (www.icp.gov.ae)
• ICP മൊബൈൽ ആപ്പ്
• മറ്റ് സ്മാർട്ട് സേവന പ്ലാറ്റ്‌ഫോമുകൾ

അപേക്ഷകൻ രജിസ്റ്റർ ചെയ്ത് ലോഗിൻ ചെയ്‌തു വിശദാംശങ്ങൾ പൂരിപ്പിച്ച് ആവശ്യമായ രേഖകൾ അപ്‌ലോഡ് ചെയ്ത് 350 ദിർഹം ഫീസ് അടയ്ക്കേണ്ടതുണ്ട്. വിസ അനുവദിച്ച ശേഷം 60 ദിവസത്തിനകം യുഎഇയിൽ പ്രവേശിക്കേണ്ടത് നിർബന്ധമാണ്.

ചെറിയ കമ്പനികൾക്ക് വലിയ നേട്ടം:

ദുബായ്, അബുദാബി തുടങ്ങിയ എമിറേറ്റുകളിൽ വിദൂര ജോലിക്കായി ആവശ്യമായ ടേക്ക്‌്നോളജിയും സൗകര്യങ്ങളുമുള്ള ഇടങ്ങൾ ഒരുക്കാനാണ് പദ്ധതിയിടുന്നത്. ഇതിലൂടെ ചെറിയ സ്ഥാപനങ്ങൾക്കും സ്റ്റാർട്ട്‌അപ്പുകൾക്കും കൂടുതൽ ചെലവു കൂടാതെ UAEയെ ആസ്ഥാനമാക്കാം. ഓഫീസ് തുടങ്ങിയ അധിക ചെലവുകൾ ഒഴിവാക്കി, വെറും 1–2 ജീവനക്കാരുമായി റിമോട്ട് പ്രവർത്തനം തുടരാൻ ഇതിൽ വഴി തുറക്കുന്നു.

കൂടുതൽ വിവരങ്ങൾക്കും അപേക്ഷയ്ക്കും സന്ദർശിക്കുക: www.icp.gov.ae