മോഫിയയുടെ ആത്മഹത്യ;കോണ്‍ഗ്രസ് എസ്പി ഓഫീസ് മാര്‍ച്ചില്‍ സംഘര്‍ഷം,കല്ലേറ്

നിയമ വിദ്യാര്‍ത്ഥിയുടെ ആത്മഹത്യയില്‍ സിഐ സുധീറിനെ സസ്‌പെന്‍ഡ് ചെയ്യ ണമെന്നാവശ്യപ്പെട്ട് ആലുവ എസ്പി ഓഫീസിലേക്ക് കോണ്‍ഗ്രസ് നടത്തിയ മാര്‍ച്ചില്‍ സംഘര്‍ഷം

ആലുവ: നിയമ വിദ്യാര്‍ത്ഥിയുടെ ആത്മഹത്യയില്‍ സിഐ സുധീറിനെ സസ്‌പെന്‍ഡ് ചെയ്യണമെന്നാ വശ്യപ്പെട്ട് ആലുവ എസ്പി ഓഫീസിലേക്ക് കോണ്‍ഗ്രസ് നടത്തിയ മാര്‍ച്ചില്‍ സംഘര്‍ഷം.മോഫിയ പര്‍വീ ണ്‍ നല്‍കിയ ഗാര്‍ഹിക പീഡന പരാതിയില്‍ കേസെടുക്കാതെ ഗുരുതര വീഴ്ച വരുത്തിയ സിഐ സി എല്‍ സുധീറിനെ പുറത്താക്ക ണമെന്ന് ആവശ്യപ്പെട്ടാണ് പ്രതിഷേധം.

മാര്‍ച്ച് എസ്പി ഓഫീസിന് സമീപം തടഞ്ഞു.പൊലീസിന് നേരെ കല്ലേറും നടന്നു. ബാരിക്കേഡ് തകര്‍ക്കാന്‍ പ്രവര്‍ത്തകരുടെ ശ്രമത്തിനിടെ പൊലീസ് ജലപീരങ്കി പ്രയോ ഗിച്ചു. സംഭവസ്ഥലത്ത് കുത്തിയിരുന്നു പ്രതിഷേധിക്കുകയാണ് കോണ്‍ഗ്രസ് പ്രവര്‍ത്തകര്‍.അതേസമയം സുധീറിനെ സസ്‌പെന്‍ഡ് ചെയ്യണ മെന്ന ആവശ്യവുമായി ബെന്നി ബെഹ്നാന്‍ എം.പിയുടെയും അന്‍വര്‍ സാദത്ത് എംഎല്‍എയുടെയും കുത്തിയിരിപ്പ് സമരം തുടരുകയാണ്.

സിഐക്കെതിരെ ഇതുവരെ നടപടിയെടുക്കത്ത പക്ഷം പ്രവര്‍ത്തകരുടെ ഭാഗത്ത് നിന്നും വൈകാരിക പ്രകടനങ്ങള്‍ ഉണ്ടായാല്‍ തങ്ങള്‍ അത് തടയാന്‍ നില്‍ക്കില്ലെന്നാണ് കോണ്‍ഗ്രസ് നേതാക്കള്‍ പറയുന്ന ത്.ഇനിയൊരു പ്രകോപനം ഉണ്ടായാല്‍ ലാത്തി ചാര്‍ജിലേക്ക് പൊലീസ് കടന്നേക്കും. ആലുവ നഗരത്തി ല്‍ ഇതിനു മുന്‍പ് ഇത്രയധികം പൊലീസുകാരെ വിന്യസിച്ചുള്ള പ്രതിഷേധം നടന്നിട്ടില്ല.