അബുദാബി : ആരോഗ്യ സേവനങ്ങൾക്കായി അബുദാബിയിൽ പുതിയ ആപ്പ് (Sehatona) പുറത്തിറക്കി. ഡോക്ടറെ കാണാൻ ബുക്ക് ചെയ്യുന്നത് മുതൽ ചികിത്സാ വിവരങ്ങൾ, വിവിധ മെഡിക്കൽ പരിശോധന ഫലങ്ങൾ, മരുന്ന് കുറിപ്പടി തുടങ്ങി ചികിത്സയുമായി ബന്ധപ്പെട്ട സമഗ്ര വിവരങ്ങൾ ഈ ആപ്പ് വഴി ലഭിക്കും.
അതിനാൽ മറ്റൊരു ആശുപത്രിയിൽ പോയി തുടർ ചികിത്സ ഉറപ്പാക്കാൻ തടസ്സമുണ്ടാകില്ല.നേരിട്ട് ആശുപത്രിയിൽ എത്തി ഡോക്ടറെ കാണാൻ സാധിക്കാത്തവർക്ക് ആപ്പ് വഴി റിമോട്ട് കൺസൽറ്റേഷനിലൂടെ ആശയവിനിമയം നടത്താം.മുൻപ് ഡോക്ടർമാർക്കും ആശുപത്രികൾക്കും മാത്രം പ്രവേശനമുണ്ടായിരുന്ന മലാഫി പ്ലാറ്റ്ഫോം പൊതുജനങ്ങൾക്കും ലഭ്യമാക്കിയതോടെ ഇതു വഴിയും മെഡിക്കൽ റെക്കോർഡുകൾ കാണാം. ടെസ്റ്റുകൾ, മരുന്നുകൾ, വാക്സിനേഷൻ റെക്കോർഡുകൾ എന്നിവ ഇതിൽ രേഖപ്പെടുത്തിയിട്ടുണ്ട്. വ്യക്തികളുടെയും കുടുംബാംഗങ്ങളുടെയും ഫയലുകൾ മലാഫി പ്ലാറ്റ്ഫോമിൽനിന്ന് ലഭ്യമാകും. കൂടാതെ എമിറേറ്റ്സ് ജീനോം പ്രോഗ്രാമിൽ ജനിതക പരിശോധനയ്ക്കു വിധേയരായവർക്കും വിശദറിപ്പോർട്ടുകൾ ഈ ആപ്പിലൂടെ ലഭ്യമാകും.
നിർമിത ബുദ്ധി ഉപയോഗിച്ച് പ്രവർത്തിക്കുന്ന ആപ്ലിക്കേഷനുകളായതിനാൽ രോഗി നൽകുന്ന വിവരങ്ങളിൽനിന്ന് ആരോഗ്യാവസ്ഥ മനസ്സിലാക്കി മാർഗനിർദേശം നൽകും. അത്യാഹിത വിഭാഗത്തിലേക്കാണെങ്കിൽ അക്കാര്യം നിർദേശിക്കും. രോഗത്തിന്റെ ഗൗരവം അനുസരിച്ച് ബന്ധപ്പെട്ട ഡോക്ടറെ മുൻഗണനാടിസ്ഥാനത്തിൽ കാണാൻ അവസരമൊരുക്കും.
സ്മാർട്ട് വാച്ച് ധരിച്ച ആളുടെ നടത്തവും ഉറക്കവുമെല്ലാം ആപ്പിൽ സ്വമേധയാ രേഖപ്പെടുത്തുന്നതിനാൽ ആരോഗ്യകരമായ ജീവിത ശൈലി സ്വീകരിക്കാനും ആരോഗ്യം മെച്ചപ്പെടുത്താനുമുള്ള നിർദേശവും ലഭിക്കും.വൈകാതെ കൂടുതൽ സേവനങ്ങൾ ആപ്പിൽ ഉൾപ്പെടുത്തുമെന്ന് അധികൃതർ അറിയിച്ചു. അത്യാധുനിക ചികിത്സാ സൗകര്യങ്ങളെക്കുറിച്ചും സേവനങ്ങളെക്കുറിച്ചുമുള്ള വിവരങ്ങളും ലഭ്യമാക്കും. സംശയനിവാരണത്തിനുള്ള സംവിധാനവും വൈകാതെ ഒരുക്കും.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.