മുട്ടില്‍ മരംമുറി കേസ് അന്വേഷണം ; ഡി.എഫ്.ഒ വീണ്ടും അന്വേഷണ സംഘത്തില്‍, ഉദ്യോഗസ്ഥ ലോബിക്ക് തിരിച്ചടി

മുട്ടില്‍ മരം മുറി കേസിന്റെ അന്വേഷണ സംഘത്തിലേക്ക് ഡി.എഫ്.ഒ ധനേഷ് കുമാറിനെ വീണ്ടും ഉള്‍പ്പെടുത്തി. വനം മന്ത്രിയുടെ ഇടപെടലിനെ തുടര്‍ന്നാണ് തീരുമാനം.

തിരുവനന്തപുരം : മുട്ടില്‍ മരം മുറി കേസിന്റെ അന്വേഷണ സംഘത്തിലേക്ക് ഡി.എഫ്.ഒ ധനേഷ് കുമാറിനെ വീണ്ടും ഉള്‍പ്പെടുത്തി. ഉത്തര മേഖ ലയിലെ അന്വേഷണത്തിന്റെ പൂര്‍ണ ചുമതലയോ ടെയാണ് നിയമനം. വനം മന്ത്രിയുടെ ഇടപെടലിനെ തുടര്‍ന്നാണ് തീരുമാനം. അന്വേഷണത്തി ല്‍ നിന്ന് ഡി.എഫ്.ഒയെ മാറ്റിയത് വലിയ വിവാദത്തിന് കാരണമായിരുന്നു.

കോഴിക്കോട് ഫ്‌ളൈയിങ് സ്‌ക്വാഡ് ഡി.എഫ്.ഒ ധനേഷ് കുമാറിനെ സംസ്ഥാന വ്യാപകമായി മരം മുറി അന്വേഷിക്കുന്നതിന്റെ ഭാഗമായി തൃശൂര്‍, എറണാകുളം ജില്ലയുടെ അന്വേഷണ ചുമതല നല്‍ കി ആദ്യം നിയമിച്ചിരുന്നു. മരംമുറി അന്വേഷിക്കാന്‍ നിയോഗിച്ച അഞ്ച് സംഘത്തില്‍ ഒരു സംഘ ത്തിന്റെ തലവന്‍ ധനേഷ് കുമാറായിരുന്നു. എന്നാല്‍ വനം വകുപ്പിന്റെ ഉന്നതതലത്തില്‍ നിന്നുള്ള ഇടപെടലിനെ തുടര്‍ന്ന് ഇന്ന് പൊടുന്ന നെയാണ് ഇദ്ദേഹത്തെ അന്വേഷണ സംഘത്തില്‍ നിന്നും മാറ്റിയത്.

മുട്ടില്‍ മരംമുറി കേസില്‍ വനംവകുപ്പ് ഉദ്യോഗസ്ഥര്‍ക്ക് പങ്കുണ്ടെന്ന് റിപ്പോര്‍ട്ട് നല്‍കിയിരുന്നു ധനേഷ് കുമാര്‍. അന്വേഷണ സംഘത്തില്‍ നിന്ന് ധനേഷ് കുമാറിനെ മാറ്റിയത് അട്ടിമറിയാണെന്ന് പ്രതിപക്ഷം ആരോപിച്ചിരുന്നു. തുടര്‍ന്നാണ് വനംമന്ത്രി നേരിട്ട് ഇടപെട്ടത്. ഉത്തരമേഖല അന്വേഷ ണത്തിന്റെ പൂര്‍ണ ചുമതലയോടെയാണ് ഡി.എഫ്.ഒയ്ക്ക് നിയമനം നല്‍കിയിരിക്കുന്നത്.