മസ്‌കത്ത് : ജപ്പാന്‍ എംബസിയില്‍ നീണ്ട 31 വര്‍ഷം സേവനം ചെയ്ത കോഴിക്കോട് വടകര സ്വദേശി പ്രകാശന് കുനിയിലിനാണ് ഒമാനിലെ ജപ്പാന്‍ എംബസി സവിശേഷമായ ദി ഓര്‍ഡര്‍ ഓഫ് ദി സെക്രഡ് ട്രഷര്‍, സില്‍വര്‍ റേയ്‌സ് എന്ന ബഹുമതി നല്‍കിയത്.
കഴിഞ്ഞ ദിവസം ഗ്രാന്‍ഡ് ഹയാത്ത് ഹോട്ടലില്‍ നടന്ന ആദരിക്കല്‍ ചടങ്ങില്‍ ജപ്പാന്‍ അംബാസഡര്‍ കിയോഷി സെരിസാവ പ്രകാശന് ബഹുമതി നൽകി. ജപ്പാന്റെ ഔദ്യോഗിക മുദ്ര, പ്രധാനമന്ത്രിയുടെയും കാബിനറ്റ് ഓഫിസിലെ ഡെക്കറേഷന്‍സ് ആന്‍ഡ് മെഡല്‍സ് ബ്യൂറോ ഡയറക്ടര്‍ ജനറലിന്റെയും ഒപ്പുകളും ഈ ബഹുമതിയില്‍ ഉള്‍പ്പെടുത്തിയിട്ടുണ്ട്.
150 വര്‍ഷത്തിലേറെ പഴക്കമുള്ള 1875-ലേക്കെത്തുന്ന ചരിത്രം ജപ്പാന്റെ ഈ ബഹുമതികള്‍ക്കുണ്ട്.
ജപ്പാനും പൊതുജനങ്ങള്‍ക്കും മികച്ച സേവനം ചെയ്ത സര്‍ക്കാര്‍–സ്വകാര്യ വ്യക്തികള്‍ക്ക് ജപ്പാന്‍ സര്‍ക്കാര്‍ ഈ ബഹുമതികള്‍ നല്‍കാറുണ്ട്. അത്തരത്തില്‍ ജപ്പാനെ അഭിമുഖീകരിച്ച് നടത്തിയ മികച്ച സേവനങ്ങളാണ് പ്രകാശനെ ഈ അംഗീകാരത്തിലേക്ക് നയിച്ചത്.
ഒമാനിലെ ജപ്പാന്‍ എംബസിയില്‍ ഡ്രൈവറായി ആയിരുന്നു പ്രകാശന്റെ തുടക്കം. 1993 മുതല്‍ 2024 വരെ അദ്ദേഹം എംബസിയില്‍ സേവനം ചെയ്തിരുന്നു.
എംബസിയുടെ ദൈനംദിന പ്രവര്‍ത്തനങ്ങള്‍ സുഗമമായി നടത്തുന്നതിന് വലിയ അര്‍പ്പണഭാവത്തോടെയും കര്‍മനിഷ്ഠയോടെയും പ്രവര്‍ത്തിച്ചെന്നും, അദ്ദേഹം നല്‍കിയ സേവനം വിലമതിക്കുന്നതാണെന്നും അംബാസഡര്‍ കിയോഷി സെരിസാവ അദ്ദേഹത്തിന് അയച്ച കത്തില്‍ കുറിച്ചിരിക്കുന്നു.
2014ലും 2020ലും ജപ്പാന്‍ പ്രധാനമന്ത്രി ആബെ ഒമാന്‍ സന്ദര്‍ശിച്ച അവസരങ്ങളില്‍, ഡ്രൈവറായി മാത്രമല്ല, അതിന് മുമ്പ് നടന്ന ഒരുക്കങ്ങളിലും സ്വീകരണങ്ങളിലും അദ്ദേഹത്തിന്റെ പങ്ക് പ്രധാനപ്പെട്ടതായിരുന്നുവെന്ന് അംബാസഡര്‍ ഓര്‍മ്മപ്പെടുത്തി.
സര്‍ക്കാരിന്റെ മറ്റ് പ്രമുഖ പ്രതിനിധികള്‍ സുല്‍ത്താനേറ്റില്‍ എത്തിയപ്പോഴുമെല്ലാം, അദ്ദേഹം ഔദ്യോഗികമായി വളരെ മികച്ച രീതിയില്‍ പ്രവര്‍ത്തിച്ചുവെന്നും, കമ്പ്യൂട്ടറുകളോടും മറ്റ് ഉപകരണങ്ങളോടും ബന്ധപ്പെട്ട കഴിവുകള്‍ ഉള്ളതിനാല്‍ അവധിയിലായിരുന്ന ജീവനക്കാരെ പകരംനിര്‍ത്തി സേവനം നല്‍കിയതും അദ്ദേഹം സ്മരിച്ചു.
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്‌കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്‌കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്‌കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
ഷാർജ: വ്യാഴാഴ്ച പുലർച്ചെ യുഎഇയിൽ പെയ്തിറങ്ങിയ കനത്ത മൂടൽമഞ്ഞ് ഷാർജ രാജ്യാന്തര വിമാനത്താവളത്തിലെ സർവീസുകൾ ഗുരുതരമായി ബാധിച്ചു. ദൂരക്കാഴ്ച വളരെ…
മസ്‌കത്ത് ∙ ഒമാനി റിയാലിന്റെ ചിഹ്നം ഔദ്യോഗികമായി പുറത്തിറക്കി സെൻട്രൽ ബാങ്ക് ഓഫ് ഒമാൻ (സിബിഒ). ഒമാനി റിയാലിന് ഏകീകൃത…
This website uses cookies.