കോഴിക്കോട് : മലയാളത്തിന്റെ പ്രിയ എഴുത്തുകാരന് എം.ടി. വാസുദേവന് നായരെ അനുസ്മരിച്ച് ഹൃദയസ്പര്ശിയായ കുറിപ്പുമായി നടന് മോഹന്ലാല്. മഴ തോര്ന്നപോലെയുള്ള ഏകാന്തതയാണ് ഇപ്പോള് തന്റെ മനസിലെന്ന് അദ്ദേഹം ഫെയ്സ്ബുക്കില് കുറിച്ചു. പ്രിയപ്പെട്ട എം.ടി. സാറിന് എങ്ങനെയാണ് താന് ആദരാഞ്ജലിയര്പ്പിക്കുക എന്ന വൈകാരികമായ വാക്കുകളോടെയാണ് മോഹന്ലാലിന്റെ കുറിപ്പ് അവസാനിക്കുന്നത്.
സദയം, ഉയരങ്ങളില്, താഴ്വാരം, അമൃതം ഗമയ, പഞ്ചാഗ്നി, അനുബന്ധം തുടങ്ങി എം.ടിയുടെ തൂലികയില് വിരിഞ്ഞ ഒരുപിടി ചിത്രങ്ങളില് മോഹന്ലാല് അഭിനയിച്ചിട്ടുണ്ട്. അദ്ദേഹത്തിന്റെ അഭിനയജീവിതത്തിലെ മികച്ച കഥാപാത്രങ്ങളില് പലതും സമ്മാനിച്ചത് എം.ടിയാണ്. എം.ടിയുടെ കഥകള് കോര്ത്തിണക്കിയ ആന്തോളജി സീരീസായ ‘മനോരഥങ്ങളി’ലെ ഓളവും തീരവും എന്ന ചിത്രത്തിലും മോഹന്ലാല് അഭിനയിച്ചിരുന്നു. എം.ടിയുടെ 91-ാം ജന്മദിനത്തോടനുബന്ധഇച്ച് ജൂലൈ 15-നാണ് മനോരഥങ്ങള് പുറത്തിറങ്ങിയത്.
മോഹന്ലാലിന്റെ കുറിപ്പ്
മഴ തോര്ന്നപോലെയുള്ള ഏകാന്തതായാണ് ഇപ്പോള് എന്റെ മനസില്. ആര്ത്തിയോടെ ഞാന് വായിച്ച പുസ്തകങ്ങളില് നിന്ന്, അഭിനയിച്ച് മതിവരാഞ്ഞിട്ട് വീണ്ടും വീണ്ടും വായിച്ച തിരക്കഥകളില് നിന്ന്, അരങ്ങില് നിന്നിറങ്ങിയിട്ടും ഹൃദയത്തില് തന്നെ തങ്ങി നിന്ന കഥാപാത്രങ്ങളില് നിന്ന് ഒക്കെ എന്റെ എം.ടി സാര് പോയല്ലോ. ചേര്ത്തുപിടിക്കുമ്പോള് മറ്റാര്ക്കും നല്കാനാവാത്ത സമാധാനവും സ്നേഹവും നെഞ്ചിലേക്ക് പകര്ന്നുതന്ന പിതൃതുല്യനായ എംടി സാര് മടങ്ങിയല്ലോ…
എംടി സാര് എനിക്ക് ആരായിരുന്നു എന്ന് പറയാന് പോലും ആവുന്നില്ല. എല്ലാം ആയിരുന്നു എന്നുപറഞ്ഞാലും കുറഞ്ഞുപോവും. പഞ്ചാഗ്നിയിലെ റഷീദിനെപ്പോലെ, സദയത്തിലെ സത്യനാഥനെപ്പോലെ, ആ ഇതിഹാസം, മനസില് സൃഷ്ടിച്ച കഥാപാത്രങ്ങള്ക്ക് ജീവന് നല്കാന് കഴിഞ്ഞതില്പ്പരം ഒരു ഭാഗ്യം ഇനി വരാനുണ്ടോ?
വായിച്ച് കണ്ണുനിറഞ്ഞ വരികള് അഭിനയിച്ചപ്പോള് പ്രേക്ഷകരുടെ കണ്ണും നിറഞ്ഞതില്പ്പരം ഒരു സംതൃപ്തി ഇനി എനിക്ക് കിട്ടാനുണ്ടോ? മലയാളത്തിന്റെ അഭിമാനത്തെ ജ്ഞാനപീഠത്തിലിരുത്തിയ, ബഹുമുഖപ്രതിഭയായിരുന്ന പ്രിയപ്പെട്ട എംടി സാറിന്, എങ്ങനെയാണ് ഞാന് ആദരാഞ്ജലികള് അര്പ്പിക്കുക?
ഫൈസൽ ആലുവ ആർ എം എ പ്രസിഡന്റ് ആഗോളവൽക്കരണത്തിന്റെ കാലത്ത് രാജ്യങ്ങളുടെ അതിർത്തികൾ ഭൗമപരമായ രേഖകളായി മാത്രം ചുരുങ്ങിക്കൊണ്ടിരിക്കുമ്പോഴും, ജനാധിപത്യാവകാശങ്ങൾ…
മസ്കറ്റ്: റൂവി മലയാളി അസോസിയേഷന്റെ ജനറൽ ബോഡി യോഗം അടുത്തിടെ നടന്നപ്പോൾ 2026–2028 കാലയളവിലേക്കുള്ള പ്രവർത്തക സമിതി അംഗങ്ങളെ കൗൺസിൽ…
ദുബായ്: തിരക്കേറിയ സമയങ്ങളിൽ എമിറേറ്റ്സ് റോഡിൽ ചരക്കുവാഹനങ്ങൾക്ക് ഏർപ്പെടുത്തിയ നിയന്ത്രണം ഗതാഗതം സുഗമമാക്കാനും അപകടങ്ങൾ കുറയ്ക്കാനും സഹായിച്ചതായി ആർടിഎയും ദുബായ്…
റാസൽഖൈമ: 2027ൽ വിൻ അൽ മർജാൻ ഐലൻഡും ഉൾപ്പെടുന്ന വമ്പൻ പദ്ധതികൾ യാഥാർത്ഥ്യമാകുന്നതിനോടനുബന്ധിച്ച് ഒഴുകിയെത്തുന്ന വിനോദസഞ്ചാരികളെ വരവേൽക്കാൻ റാസൽഖൈമ രാജ്യാന്തര…
മസ്കത്ത് ∙ ഒമാൻ ദേശീയദിനാഘോഷത്താടനുബന്ധിച്ച് മസ്കത്ത് ഇന്ത്യൻ എംബസി ഇന്ന് അവധിയായിരിക്കുമെന്ന് അധികൃതർ അറിയിച്ചു. കോൺസുലാർ സേവനങ്ങൾക്ക് 98282270 എന്ന…
മസ്കത്ത്: ഒമാൻ ദേശീയ ദിനാഘോഷങ്ങളുടെ ഭാഗമായി ഒമാൻ എയർ ഗ്ലോബൽ സെയിൽ പ്രഖ്യാപിച്ചു. 2026 ജനുവരി 15 മുതൽ മാർച്ച്…
This website uses cookies.