മ​ഴ​ക്കു​വേ​ണ്ടി പ്രാ​ർ​ഥി​ച്ച് ഖ​ത്ത​ർ

ദോ​ഹ: മ​ഴ​ക്കു​വേ​ണ്ടി പ്രാ​ർ​ഥ​ന​യി​ൽ പ​ങ്കു​ചേ​ർ​ന്ന് ഖ​ത്ത​റി​ലെ വി​ശ്വാ​സി സ​മൂ​ഹം. അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ ആ​ഹ്വാ​ന​പ്ര​കാ​രം രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി പ​ള്ളി​ക​ളും മൈ​താ​ന​ങ്ങ​ളും ഉ​ൾ​പ്പെ​ടെ 110 കേ​ന്ദ്ര​ങ്ങ​ളി​ലാ​ണ് വ്യാ​ഴാ​ഴ്ച മ​ഴ​ക്കു​വേ​ണ്ടി​യു​ള്ള ഇ​സ്തി​സ്ഖാ​അ് ന​മ​സ്കാ​രം ന​ട​ന്ന​ത്. അ​മീ​ർ ലു​സൈ​ലി​ലെ മൈ​താ​നി​യി​ൽ പ്രാ​ർ​ഥ​ന നി​ർ​വ​ഹി​ച്ചു. അ​മീ​റി​ന്റെ വ്യ​ക്തി​ഗ​ത പ്ര​തി​നി​ധി ശൈ​ഖ് ജാ​സിം ബി​ൻ ഹ​മ​ദ് ആ​ൽ​ഥാ​നി, ശൈ​ഖ് അ​ബ്ദു​ല്ല ബി​ൻ ഖ​ലീ​ഫ ആ​ൽ​ഥാ​നി, ശൈ​ഖ് ജാ​സിം ബി​ൻ ഖ​ലീ​ഫ ആ​ൽ​ഥാ​നി, ശൂ​റാ കൗ​ൺ​സി​ൽ സ്പീ​ക്ക​ർ ഹ​സ​ൻ ബി​ൻ അ​ബ്ദു​ല്ല അ​ൽ ഗാ​നിം, മ​ന്ത്രി​മാ​ർ ഉ​ൾ​പ്പെ​ടെ ഉ​ന്ന​ത​രും പ്രാ​ർ​ഥ​ന​യി​ൽ പ​​ങ്കെ​ടു​ത്തു.
സു​പ്രീം ജു​ഡീ​ഷ്യ​റി കൗ​ൺ​സി​ൽ അം​ഗ​വും സു​പ്രീം കോ​ട​തി ജ​ഡ്ജു​മാ​യ ഡോ. ​ത​ഖീ​ൽ സാ​യി​ർ അ​ൽ ഷ​മ്മാ​രി ന​മ​സ്കാ​ര​ത്തി​ന് നേ​തൃ​ത്വം ന​ൽ​കി. തു​ട​ർ​ന്ന് ന​ട​ന്ന പ്ര​ഭാ​ഷ​ണ​ത്തി​ൽ ദൈ​വ​ത്തി​ന്റെ അ​നു​ഗ്ര​ഹ​മാ​യ മ​ഴ പെ​യ്യു​ന്ന​തി​നാ​യി പാ​പ​മോ​ച​നം തേ​ടാ​നും ദാ​ന​ധ​ർ​മ​ങ്ങ​ൾ സ​ജീ​വ​മാ​ക്കാ​നും അ​ദ്ദേ​ഹം വി​ശ്വാ​സി​ക​ളോ​ട് ആ​ഹ്വാ​നം ചെ​യ്തു. വെ​ള്ളം ദൈ​വ​ത്തി​ന്റെ ഏ​റ്റ​വും വ​ലി​യ അ​നു​ഗ്ര​ഹ​മാ​ണെ​ന്നും അ​ദ്ദേ​ഹം ഓ​ർ​മി​പ്പി​ച്ചു.വ്യാ​ഴാ​ഴ്ച രാ​വി​ലെ 6.05 ഓ​ടെ​യാ​യി​രു​ന്നു ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യം നി​ർ​ദേ​ശി​ച്ച വി​വി​ധ ഇ​ട​ങ്ങ​ളി​ൽ മ​ഴ​ക്കു​വേ​ണ്ടി​യു​ള്ള പ്രാ​ർ​ഥ​ന ന​ട​ന്ന​ത്. ഇ​സ്‍ലാ​മി​ക വി​ശ്വാ​സ​പ്ര​കാ​രം മ​ഴ വൈ​കു​മ്പോ​ഴും, വ​ര​ൾ​ച്ച ശ​ക്ത​മാ​വു​മ്പോ​ഴും പ്ര​വാ​ച​ക മാ​തൃ​ക പി​ന്തു​ട​ർ​ന്ന് വി​വി​ധ ഇ​സ്‍ലാ​മി​ക രാ​ജ്യ​ങ്ങ​ളി​ൽ ഈ ​പ്രാ​ർ​ഥ​ന ന​ട​ക്കാ​റു​ണ്ട്.