മന്ത്രിയോ മുന്നണിയോ കെഎസ്ഇബി സമരത്തില്‍ ഇടപെടില്ല ; ചെയര്‍മാന്‍ ചര്‍ച്ച നടത്തി പരിഹരിക്കും : കൃഷ്ണന്‍കുട്ടി

കെഎസ്ഇബിയില്‍ ഇടത് സംഘടന ജീവനക്കാര്‍ നടത്തുന്ന സമരത്തില്‍ ഇടപെടി ല്ലെന്ന് മന്ത്രി കെ കൃഷ്ണന്‍കുട്ടി. ചെയര്‍മാനും സംഘടനകളും തമ്മിലുള്ള പ്രശ്‌നം പരിഹരിക്കാന്‍ സര്‍ക്കാര്‍ തലത്തില്‍ ഇടപെടുന്നതിന് പരിമിതിയുണ്ടെന്ന് മന്ത്രി

തിരുവനന്തപുരം: കെഎസ്ഇബിയില്‍ ഇടത് സംഘടന ജീവനക്കാര്‍ നടത്തുന്ന സമരത്തില്‍ ഇടപെടി ല്ലെന്ന് മന്ത്രി കെ കൃഷ്ണന്‍കുട്ടി. ചെയര്‍മാനും സംഘടനകളും തമ്മിലുള്ള പ്രശ്‌നം പരിഹരിക്കാന്‍ സര്‍ക്കാ ര്‍ തലത്തില്‍ ഇടപെടുന്നതിന് പരിമിതിയുണ്ടെന്ന് മന്ത്രി പറഞ്ഞു. സമരക്കാരുമായി മന്ത്രി കൂടിക്കാഴ്ച നട ത്തേണ്ട ആവശ്യം ഇല്ല. ബോര്‍ഡ് തലത്തില്‍ ചര്‍ച്ച നടത്തിയാല്‍ മതി. പ്രശ്‌ന പരിഹാരത്തിന് ചെയര്‍മാ ന്‍ തന്നെ മുന്‍കയ്യെടുക്കുമെന്നും മന്ത്രി പറഞ്ഞു.

രാവിലെ കെഎസ്ഇബി ചെയര്‍മാന്‍ ബി അശോക് മന്ത്രിയെ വസതിയിലെത്തി കണ്ടിരുന്നു. ഇതിന് പി ന്നാലെയാണ് മന്ത്രി നിലപാട് വ്യക്തമാക്കിയത്. കെഎസ്ഇബി സമരത്തില്‍ മന്ത്രിയോ മുന്നണിയോ ഇട പെടില്ലെന്ന് മന്ത്രി പറഞ്ഞു.

ചെയര്‍മാന്‍ ബി അശോകും കെഎസ്ഇബി ഓഫീസേഴ്‌സ് അസോസിയേഷനും വിട്ടുവീഴ്ചയ്ക്ക് തയ്യാറാകാ തെ വന്നതോടെ ഇന്നലെ സിപിഎം പ്രശ്‌നത്തില്‍ ഇടപെട്ടിരു ന്നു. വൈദ്യുതി മന്ത്രി കെ കൃഷ്ണന്‍കുട്ടിയു മായി മുന്‍ മന്ത്രി എ കെ ബാലന്‍ ചര്‍ച്ച നടത്തി.എക്‌സിക്യൂട്ടീവ് എഞ്ചിനീയര്‍ ജാസ്മിന്‍ ബാനു,ഓഫീ സേഴ്‌സ് അസോസിയേ ഷന്‍ പ്രസിഡന്റ് എം ജി സുരേഷ് കുമാര്‍, ജനറല്‍ സെക്രട്ടറി ഹരികുമാര്‍ എന്നി വര്‍ക്കെതിരായ നടപടി പിന്‍വലിക്കണമെന്നാണ് പ്രധാന ആവശ്യം.

ഇടതു നേതാക്കള്‍ക്കെതിരായ നടപടിയും സമരത്തിനെതിരെ പ്രഖ്യാപിച്ച ഡയസ്‌നോണും പിന്‍വലി ച്ചുള്ള സമവായമാണ് സിപിഎമ്മും ആഗ്രഹിക്കുന്നത്. ഇതിന് മുന്നോടിയായാണ് മന്ത്രി കൃഷ്ണന്‍കുട്ടിയും സിഐടിയു സംസ്ഥാന വൈസ് പ്രസിഡന്റ് കൂടിയായ എ കെ ബാലനും തമ്മില്‍ കൂടിക്കാഴ്ച നടത്തിയത്. ചെയര്‍മാനെ മാറ്റണമെ ന്ന് സമരക്കാര്‍ക്ക് പറയാന്‍ അവകാശമില്ലെന്നും മന്ത്രി കൃഷ്ണന്‍കുട്ടി പറഞ്ഞു.

ഭാരവാഹികള്‍ക്കെതിരായ നടപടി പിന്‍വലിക്കണമെന്ന് ആവശ്യപ്പെട്ട് കെഎസ്ഇബി ചീഫ് ഓഫീസിന് മുന്നില്‍ ഓഫീസേഴ്‌സ് അസോസിയേഷന്‍ അനിശ്ചിതകാല സമരം തുടങ്ങിയിട്ടുണ്ട്. മാനേജ്‌മെന്റോ വൈദ്യുതിമന്ത്രിയോ വിളിക്കുന്ന ചര്‍ച്ചക്ക് സന്നദ്ധമാണെന്ന് സമരക്കാര്‍ വ്യക്തമാക്കിയിട്ടുണ്ട്.