ഭര്‍ത്താവിന്റെ മരണം അറിഞ്ഞില്ല; മൃതദേഹത്തിനൊപ്പം ഭാര്യ കഴിഞ്ഞത് നാല് ദിവസം

ഭര്‍ത്താവ് മരിച്ചത് അറിയാതെ മൃതദേഹത്തിനൊപ്പം ഭാര്യ കഴിഞ്ഞത് നാല് ദിവസം. പഴകുളം പടിഞ്ഞാറ് സ്ലോമ വീട്ടില്‍ ഫിലിപ്പോസ് ചെറിയാനാണ് മരിച്ചത്.

പത്തനംതിട്ട: ഭര്‍ത്താവ് മരിച്ചത് അറിയാതെ മൃതദേഹത്തിനൊപ്പം ഭാര്യ കഴിഞ്ഞത് നാല് ദിവസം. പഴകുളം പടിഞ്ഞാറ് സ്ലോമ വീട്ടില്‍ ഫിലിപ്പോസ് ചെറിയാനാണ്(76) മരിച്ചത്. ഫിലിപ്പോസും ഭാര്യ അല്‍ഫോണ്‍സയും മാത്രമായിരുന്നു വീട്ടിലുണ്ടായിരുന്നത്. മൃതദേഹത്തിന് നാല് ദിവസത്തെ പഴ ക്കമുണ്ടെന്ന് പ്രാഥമിക പരിശോധനയ്ക്ക് ശേഷം പോലീസ് പറഞ്ഞു.

ബുധനാഴ്ച രാവിലെ അല്‍ഫോണ്‍സയെ അയല്‍വാസി ഫോണില്‍ വിളിച്ചിരുന്നു. അപ്പോഴാണ് ഫിലിപ്പോസ് സുഖമില്ലാതെ കിടക്കുകയാണെന്ന് അല്‍ഫോണ്‍സ പറഞ്ഞത്. തുടര്‍ന്ന് അയല്‍ വാസി തന്നെ ഇവരുടെ മകളെ വിളിച്ച് വിവരം അറിയിച്ചു.

ഫിലിപ്പോസിനെ ആശുപത്രിയില്‍ കൊണ്ടുപോകാനായി കൊച്ചുമകന്‍ ആംബുലന്‍സുമായി എത്തിയപ്പോഴാണ് മരിച്ച വിവരം അറിയുന്നത്. അല്‍ ഫോണ്‍സ മാനസിക നില തെറ്റിയത് പോലെയാണ് സംസാരിക്കുന്നത് എന്ന് പോലീസ് പറഞ്ഞു. ഫിലിപ്പോസിന്റെ മരണകാരണം വ്യക്തമല്ല. സം ഭവത്തില്‍ അന്വേഷണം പുരോഗമിക്കുകയാണ്.