ബിഹാറില്‍ നാടകീയ നീക്കങ്ങള്‍; നിതീഷ് എന്‍ഡിഎ വിട്ടു ; ജെഡിയു-ആര്‍ജെഡി-കോണ്‍ഗ്രസ് സര്‍ക്കാരിന് നീക്കം

കേന്ദ്ര നേതൃത്വത്തിന് കനത്ത തിരിച്ചടി നല്‍കി ബിഹാറില്‍ ബിജെപി- ജെഡിയു സഖ്യം എന്‍ഡിഎ വിട്ടു. ബിജെപിയുമായുള്ള എല്ലാ സഖ്യവും അവസാനിപ്പിച്ചതായി പാര്‍ട്ടി എംഎല്‍എമാരുടെ നേതൃത്വത്തില്‍ മുഖ്യമന്ത്രി നിതീഷ് കുമാര്‍ പറഞ്ഞു.

പാറ്റ്ന : കേന്ദ്ര നേതൃത്വത്തിന് കനത്ത തിരിച്ചടി നല്‍കി ബിഹാറില്‍ ബിജെപി- ജെഡിയു സഖ്യം എന്‍ ഡിഎ വിട്ടു. ബിജെപിയുമായുള്ള എല്ലാ സഖ്യവും അവസാനിപ്പിച്ച തായി പാര്‍ട്ടി എം എല്‍ എമാരുടെ നേതൃത്വത്തില്‍ മുഖ്യമന്ത്രി നിതീഷ് കുമാര്‍ പറഞ്ഞു. ബിജെപിയെ ഒഴിവാക്കി പ്രതിപക്ഷ പാര്‍ട്ടിക ള്‍ക്കൊപ്പം ചേര്‍ന്ന് മഹാസഖ്യ സര്‍ക്കാര്‍ രൂപവത്ക്കരിക്കുമെന്നും നിതീഷ് യോഗത്തില്‍ അറിയിച്ചു.

നിതീഷ് കുമാര്‍ ഗവര്‍ണര്‍ ഫഗു ചൗഹാനെ കാണുന്നതിനായി സമയം തേടി. സര്‍ക്കാരിന്റെ രാജിക്കത്ത് നിതീഷ് നല്‍കിയേക്കും. ആര്‍ജെഡി നേതാവ് തേജസ്വി യാദവും നിതീഷിനൊപ്പം ഉണ്ടാകുമെന്നാണ് റി പ്പോര്‍ട്ടുകള്‍. പുതിയ സര്‍ക്കാര്‍ രൂപവത്ക്കരണത്തിന് അവകാശവാദവുമായി പ്രതിപക്ഷ നേതാവും ആ ര്‍ജെഡി നേതാവുമായ തേജ സ്വി യാദവിനൊപ്പം നിതീഷ് അല്‍പ്പസമയത്തിനകം ഗവര്‍ണറെ കാണും. രാജ്യത്ത് ആദ്യമായാണ് പ്രതിപക്ഷ നേതാവും മുഖ്യമന്ത്രിയും ഒന്നിച്ച് ചേര്‍ന്ന് പുതിയ സര്‍ക്കാര്‍ രൂപവ ത്ക്കരക്കാന്‍ ഗവര്‍ണറെ കാണാന്‍ പോകുന്നത്.

കേവലഭൂരിപക്ഷത്തിന് വേണ്ടത്
122 എംഎല്‍എമാരുടെ പിന്തുണ
ബിഹാറിലെ 243 അംഗ നിയമസഭയില്‍ 80 സീറ്റുള്ള ആര്‍ജെഡിയാണ് ഏറ്റവും വലിയ ഒറ്റക്കക്ഷി. ബിജെപിക്ക് 77 സീറ്റുണ്ട്. ജെഡിയുവിന് 55 സീറ്റുകളാണുള്ളത്. ആര്‍ജെഡിയുമായി സഖ്യത്തിലുള്ള കോണ്‍ഗ്രസിന് 19 സീറ്റുണ്ട്. നിയമസഭയില്‍ കേവലഭൂരിപക്ഷത്തിന് 122 എംഎല്‍എമാരുടെ പിന്തു ണയാണ് വേണ്ടത്.

മഹാരാഷ്ട്രയിലെ മാതൃകയില്‍ മഹാസഖ്യം രൂപീകരിക്കുന്നത് പരിഗണനയിലാണ്.കോണ്‍ഗ്രസ്, ഇടത്, ആര്‍ജെഡി എംഎല്‍എമാര്‍ തേജസ്വി യാദവിന് പിന്തുണ നല്‍കിക്കൊണ്ടുള്ള കത്ത് കൈമാറിയിട്ടുണ്ട്. സഖ്യസര്‍ക്കാരില്‍ ആര്‍ജെഡി ആഭ്യന്തര വകുപ്പ്, സ്പീക്കര്‍ പദവി എന്നിവ ആവശ്യപ്പെട്ടതായും റിപ്പോര്‍ട്ടു ണ്ട്. ആഭ്യന്തരം തനിക്ക് വേണമെന്ന് തേജസ്വി ആവശ്യപ്പെട്ടതായാണ് സൂചന.

നിതീഷിനെ പിന്തുണക്കാന്‍ തയ്യാറാണെന്ന പ്രതിപക്ഷത്തെ മറ്റ് പാര്‍ട്ടികളായ കോണ്‍ഗ്രസും സിപിഐ (എല്‍എല്‍), സിപിഎം,സിപിഐ കക്ഷികളും അറിയിച്ചിട്ടുണ്ട്. ഈ ഒരു സാഹചര്യത്തില്‍ എന്‍ഡിഎ ബന്ധം ഉപേക്ഷിച്ചെത്തുന്ന നിതീഷ് കുമാറിന്റെ ജെ ഡി യുവിന് പുതിയ സര്‍ക്കാര്‍ രൂപവത്ക്കരിക്കാന്‍ കഴിയും. നിതീഷ് സര്‍ക്കാരില്‍ നിന്നും ബിജെപിയുടെ 16 മന്ത്രിമാരും രാജിവെക്കാന്‍ തീരുമാനിച്ചിട്ടുണ്ട്. ഉപമുഖ്യമന്ത്രി തര്‍കിഷോര്‍ പ്രസാദിന്റെ വീട്ടില്‍ ചേര്‍ന്ന യോഗത്തിന് ശേഷമാണ് ബിജെപി തീ രുമാനം.

ബിഹാര്‍ രാഷ്ട്രീയത്തില്‍ ഏറെ നാളായി പുകഞ്ഞുകൊണ്ടിരിക്കുന്ന ജെ ഡി യു- ബിജെപി സഖ്യത്തിലെ അതൃപ്തിയാണ് ഇപ്പോള്‍ പൊട്ടിത്തെറിയുടെ വക്കിലേക്ക് എത്തിയത്. മഹാരാഷ്ട്ര മോഡലില്‍ ശിവസേന യെ പിളര്‍ത്തി ഭരണം നേടിയതുപോലെ പാര്‍ട്ടിക്കുള്ളില്‍ വിമതരെ സൃഷ്ടിക്കാന്‍ ബിജെപി ശ്രമിക്കുന്നു വെന്ന ജെഡിയു നേതൃത്വത്തിന്റെ സംശയമാണ് ബന്ധത്തില്‍ വിള്ളല്‍ വീഴ്ത്തിയത്.