ബാഡ്ജ് ധരിച്ച് സത്യപ്രതിജ്ഞ ; പുതിയ അംഗമായതിനാല്‍ കെകെ രമയ്‌ക്കെതിരെ നടപടിയില്ല

ടിപി ചന്ദ്രശേഖരന്റെ ചിത്രമുള്ള ബാഡ്ജ് ധരിച്ച് സത്യപ്രതിജ്ഞ ചെയ്ത കെകെ രമ എംഎല്‍ എ യ്‌ക്കെതിരെ നടപടിയുണ്ടാകില്ല.പുതിയ അംഗമായതിനാല്‍ നടപടിയെ ടുക്കേണ്ടതില്ലെന്നാണ് സ്പീക്കറുടെ തീരുമാനം

തിരുവനന്തപുരം: ടിപി ചന്ദ്രശേഖരന്റെ ചിത്രമുള്ള ബാഡ്ജ് ധരിച്ച് സത്യപ്രതിജ്ഞ ചെയ്ത കെകെ രമ എംഎല്‍എയ്‌ക്കെതിരെ നടപടിയുണ്ടാകി ല്ല. സത്യപ്രതിജ്ഞ ചെയ്യുമ്പോള്‍ ബാഡ്ജുകളും മറ്റു ഹോള്‍ഡിങ്‌സുകളും ധരിക്കുന്നത് ചട്ടലംഘനമാണ്. എന്നാല്‍ പുതിയ അംഗമായതിനാല്‍ നടപടി യെടുക്കേണ്ടതില്ലെന്നാണ് സ്പീക്കറുടെ തീരുമാനം.

നിയമസഭയില്‍ രമ എംഎല്‍എ ആയി സത്യപ്രതിജ്ഞ ചെയ്തപ്പോഴാണ് ബാഡ്ജ് ധരിച്ചിരുന്നത്. ഇത് ചട്ടംലഘനമാണെന്ന് ചൂണ്ടിക്കാട്ടി അന്നു തന്നെ സ്പീക്കര്‍ക്ക് പരാതി ലഭിച്ചിരുന്നു.

പുതിയ അംഗമായതിനാല്‍ ചട്ടങ്ങളെ കുറിച്ച് ധാരണയുണ്ടാകില്ലെന്ന് വിലയിരുത്തി ഏതെങ്കിലും തരത്തിലുള്ള നടപടികള്‍ വേണ്ടെന്നാണ് സ്പീ ക്കറുടെ ഓഫീസിന്റെ തീരുമാനം. വടകരയില്‍ നിന്ന് യുഡിഎഫ് പിന്തുണയോടെയാണ് രമ വിജയിച്ചത്.