ബാങ്കിനുള്ളില്‍ വനിത മാനേജര്‍ തൂങ്ങി മരിച്ച നിലയില്‍

കനറ ബാങ്ക് തൊക്കിലങ്ങാടി ശാഖ മാനേജര്‍ തൃശൂര്‍ സ്വദേശി സ്വപ്നയാണ് ബാങ്കിനകത്ത് ക്യാബിനില്‍ തൂങ്ങിമരിച്ചത്.

കണ്ണൂര്‍ : ബാങ്കിനുള്ളില്‍ വനിത മാനേജര്‍ തൂങ്ങി മരിച്ച നിലയില്‍. കനറ ബാങ്ക് തൊക്കിലങ്ങാടി ശാഖ മാനേജര്‍ തൃശൂര്‍ സ്വദേശി സ്വപ്നയെയാണ് ബാങ്കിനകത്ത് ക്യാബിനില്‍ തൂങ്ങിമരിച്ച നിലയില്‍ കണ്ടെത്തിയത്. രാവിലെ സഹപ്രവര്‍ത്തകരാണ് സ്വപനയെ സ്വന്തം കാബിനുള്ളില്‍ തൂങ്ങിമരിച്ച നിലയില്‍ കണ്ടെത്. ഉടന്‍ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മരണ കാരണം വ്യക്തമല്ല.

രാവിലെ ബാങ്കില്‍ ജോലിക്കെത്തിയ സ്വപ്ന കാബിനുള്ളില്‍ കയറി അകത്തു നിന്ന് അടച്ചിരുന്നു. ഏറെ നേരമായിട്ടും സ്വപ്നയെ പുറത്തേക്ക് കാണാതിരുന്നതിനാല്‍ സഹപ്രവര്‍ത്തകര്‍ ക്യാബിന്റെ വാതില്‍ തള്ളി തുറന്നു നോക്കിയപ്പോള്‍ കാബിനുള്ളിലെ ഫാനില്‍ തൂങ്ങിനില്‍ക്കുന്ന നിലയിലാണ് സ്വപ്നയെ കണ്ടത്.

സ്വപ്ന കുറേ വര്‍ഷങ്ങളായി കൂത്തുപറമ്പിനടുത്ത് തൊക്കിലങ്ങാടിയില്‍ കുടുംബത്തോടൊപ്പം വാടകയ്ക്ക് താമസിക്കുകയായിരുന്നു. മൃതദേഹം കൂത്ത്പറമ്പ് താലൂക്ക് ആശുപത്രി മോര്‍ച്ചറിയിലേക്ക് മാറ്റി.