പ്രേമൻ ഇല്ലത്തിന്റ നോവൽ ഷാർജ പുസ്തകോ ത്സവത്തിൽ പ്രകാശനം ചെയ്യും.

ഷാർജ ∙ ലിപി പബ്ലിക്കേഷൻസ് പ്രസിദ്ധീകരിച്ചപ്രേമൻ ഇല്ലത്തിന്റ ‘Deewan Al Matroodeen’എന്ന നോവൽ ഷാർജ രാജ്യാന്തര പുസ്തക മേളയിൽ പ്രകാശനം ചെയ്യും.
കറന്റ്‌ ബുക്സ് തൃശ്ശൂർ രണ്ടു പതിപ്പുകൾ പ്രസിദ്ധീകരിച്ചിട്ടുള്ള ‘പുറത്താക്കപ്പെട്ടവരുടെ പുസ്തകം’ എന്ന തലശ്ശേരി, മൊകേരി സ്വദേശിയായ പ്രേമൻ ഇല്ലത്ത് ‌രചിച്ച നോവലിന്റെ അറബിക് മൊഴിമാറ്റമാണ് ‘ദിവാൻ അൽ മത്രുദ്ദീൻ’. തന്റെ പുസ്തകത്തെക്കുറിച്ച് നോവലിസ്റ്റ് പറയുന്നു:

ഷാർജ സാംസ്കാരിക വകുപ്പിന്റെ മുൻ ഉപദേശകനും എഴുത്തുകാരനുമായ അബ്ദു ശിവപുരം ആണ് വിവർത്തകൻ. യുണൈറ്റഡ് നേഷൻസിന്റെ ലോക സാമ്പത്തിക വികസന സമിതി കുവൈത്ത് അധ്യക്ഷനും അറബ് എഴുത്തുകാരനുമായ ഡോ. അബ്ദുൽ മൊഹ്‌സിൻ അൽ മുബാറക് അൽ അസ്മിയാണ്‌ പുസ്തകത്തിന്റെ ആമുഖം എഴുതിയത്.
ഏഴു പതിറ്റാണ്ടുകളായി പിറന്ന മണ്ണിൽ ചവിട്ടി നിൽക്കാൻ ഒരടി മണ്ണിനായി ജീവിതം പോരാട്ടമാക്കിയ ഒരു ജനതയുടെ പേരാകുന്നു ‘പലസ്തീൻ’. അവർക്കു ജീവിതം പോരാട്ടവും പോരാട്ടം ജീവിതവുമാകുന്നു. മരണം വാർത്തയല്ലാതാകുന്ന ഒരേ ഒരു പ്രദേശമേ ഇന്നു ലോകത്തുള്ളൂ അതിനെയും നമുക്ക് ‘പലസ്തീൻ’ എന്നു വിളിക്കാം. പുറത്താക്കിയിട്ടും പുറത്തു പോകാത്തൊരു സമരജീവിതത്തിന്റെ സംഗ്രഹമാണ് പലസ്തീൻ ജീവിതം ലോക മാനവികതയ്ക്കു മുന്നിൽ തുറന്നിടുന്നത്. അസാമാന്യമായ ഈ രണവീര്യമാണ് ഇങ്ങനെയൊരു രചന നടത്താൻ എനിക്ക് പ്രേരണയായത്. മലയാളത്തിലെ എന്നല്ല ഇന്ത്യയിലെ തന്നെ പലസ്തീൻ പ്രമേയമായ ആദ്യ നോവൽ ആണിതെന്നു അവതാരകൻ കെഇഎൻ സാക്ഷ്യപ്പെടുത്തുന്നുണ്ട്.

ഈ മാസം 9ന് വൈകുന്നേരം 5മണിക്ക് റൈറ്റ്ഴ്സ് ഫോറം ഹാളിൽ
ഡോക്ടർ അബ്ദുൽ മൊഹ്‌സിൻ അൽ മുബാറക് അൽ അസ്മി പുസ്തകം പ്രകാശനം ചെയ്യും.വിവർത്തകൻ അബ്ദു ശിവപുരം,അറബ് സാഹിത്യത്തിലെയും മലയാളത്തിലെയും പ്രമുഖരും ചടങ്ങിൽ പങ്കെടുക്കും.